۱خدا ازلده آسمان بیلن ییرنی یرتدی. ۲ییر شکل سیز و بوْش ایدی و قرانلیک عمیق سوولرنی قپلهگن ایدی. خدانینگ روحی سوولرنینگ اوستیده یورردی.
۳خدا : ”یاختیلیک بوْلسین“ دیدی، یاختیلیک بوْلدی. ۴خدا یاختیلیکنی یخشی بولگهنینی کوْریب، یختیلیکنی قرانلیکدن اییردی. ۵خدا یاختیلیکنی کوندوز، قرانلیکنی کیچه دیب آت قوْیدی. کیچه اوتیب تانگ آتدی. بو بیرینچی کون ایدی.
۶خدا : ”سوولرنی آرهسیده فضا بوْلسین و سوولرنی بیربیریدن اییرسین“ دیدی. ۷کیین خدا فضانی یرتدی، فضانینگ آستیدهگی سوولردن فضانینگ اوستیدهگی سولرنی اییردی. شوندی هم بوْلدی. ۸خدا فضاگه آسمان دیب آت قوْیدی. کیچه اوتیب تانگ آتدی. بو ایکینچی کون ایدی.
۹کیین خدا : ”آسمان آستیدهگی سوولرنی بیر ییرگه ییغیلیب، قوروق ییر پیدا بوْلسین“، دیدی. شوندی هم بوْلدی. ۱۰خدا قوروقلیکگه ییر دیب آت قوْیدی. بیر جایگه ییغیلگن سوولرگه بحر دیب آت بیردی. خدا بونینگ یخشی بولگهنینیی کوْردی.
۱۱کیین خدا ”ییرده هر تورلی اوتلر کوْکهرسین، دانه بیرهدیگن هر خیل گیاه، دانهگی بار هر خیل میوهلی درختلر اوْز تورلریدهی میوه کیلتیرهدیگن درختلر بوْلسین“ دیدی. شوندی هم بوْلدی. ۱۲ییرده اوْتلر کوْکهردی، گیاهلر اوْز دانهلریدهی دانه بیرهردی، دانهگی بار هر خیل میوهلی درختلر اوْز دانهلریدهی دانهلیک میوه بیرردی. خدا بولرنینگ یخشی بولگهنینی کوْردی. ۱۳کیچه اوتیب تانگ آتدی. بو اوچینچی کون ایدی.
۱۴خدا : ”آسماندهگی فضاده نورانی جسملر بوْلسین که کوندوزنی کیچهدن اییرسین. بولر فصللرنینگ، کونلرنینگ، و ییللرنینگ وقتینی کوْرسهتسین. ۱۵بو نورانی جسملر آسمانینگ فضاسیده بوْلسین که ییرگه یختیلیک بیرسین.“ دید. وشوندهی هم بوْلدی. ۱۶خدا ایککیته کتته نورانی جسم یرهتدی. کتتهراق نورانی جسم بوْلگن قویاشنی کوندوزگه حاکم قیلیشی اوچون، کیچیکراغی بوْلگن آینی کیچهگه حاکم قیلیشی اوچون یرهتدی. شوندهک، خدا یولدوزلرنی هم یرهتدی. ۱۷–۱۸ییرگه یاختیلیک بیریشی اوچون، و کیچه و کوندوزگه حکمرانلیک قیلیشی اوچون و یاختیلیکنی قرانلیکدن اییریلیشی اوچون، خدا بو نورلرنی فضاده ییرلهشتیردی. خدا بونینگ یخشی بولگهنینی کوْردی. ۱۹کیچه اوتیب تانگ آتدی. بو تورتینچی کون ایدی.
۲۰خدا : ”سو هر خیل تیریک جانورلر بیلن توْلسین، قوشلر ییر یوزینینگ اوستیده و آسماننینگ فضاسیده پرواز قیلسین“ دیدی. ۲۱شوندی قیلیب، خدا، بحرنینگ ایچیده هیبتلی مخلوقلرینی و سوونینگ ایچیده حرکت قیلهدیگن و سوولرنی ایچینی تولدیرهدیگن تورلی جانورلرنی هر بیرنی اوْز توریگه اوخشهتیب، هر تورلی قوشلرنی اوْز توریگه اوخشهتیب یرهتدی. خدا بونینگ یخشی بولگهنینی کوْردی. ۲۲خدا بولرگه برکت بیریب اَیتدی : ”سِرپوشت بوْلیب، کوْپهیینگ، بحرلرنی تولدیرینگ. قوشلرهم ییر یوزیده کوْپهیسن.“ ۲۳کیچه اوتیب تانگ آتدی. بو بیشینچی کون ایدی.
۲۴کیین خدا : «ییر، هر تورلی جانلیلرنی، اهلی حیوانلرنی، چاقهدیگن و سودرهلیب یورهدیگن حیوانلرنی، و وحشی حیوانلرنی، اوْز تورلریگه اوخشهب چیقهرسین دیدی». شوندی هم بوْلدی. ۲۵خدا وحشی حیوانلرنی، اهلی حیوانلرنی، بوتون چاقهدیگن و سودرهلیب یورهدیگن حیوانلرنی اوْز تورلریگه اوخشهتیب یرهتدی. خدا بونینگ یخشی بولگهنینی کوْردی.
۲۶اوشنده خدا شوندی دیدی : ”ایندی انسان ذاتینی یرهتهیلیک، اولر اوْز صورتیمیزدِهک، اوْزیمیزگه اوْخشهگن بوْلسین. انسان ذاتی، بحردهگی بلیقلر اوستیده، آسماندهگی قوشلر اوستیده، اهلی حیوانلر اوستیده، بوتون ییر یوزی اوستیده و همّه چاقهدیگن و سودرهلیب یورهدیگن حیوانلر اوستیده حکمرانلیک قیلسین“. ۲۷شوندی قیلیب، خدا انساننی اوْز صورتیده یرهتدی. اونی خدا صورتیده یرهتدی. انساننی ایرکهک و خاتین قیلیب یرهتدی.