۱بیزنینگ* خبریمیزگه کیم ایشاندی؟
یهوهنینگ قدرتلی کوچی کیمگه عیان بوْلدی؟
۲اونینگ حضوریده، تازه نهال دِک و قوروق توپراقده، بوته دِک اوسهدی.
اونینگ نه کوریلهدیگن شکل و شمایلی بارایدی و نه هم آرزو قیلینهدیگن کورینیشی بارایدی.
۳انسانلرنی کوزیده خوار و اونی رد قیلدیلر، قیینتچیلیک و دردنی نیمهلیگینی بیلردی، همّه اوندن یوزینی اوگیردی، خوار بوْلدی، بیز اونی آدم قطاریده حساب قیلمهدِک.
۴لیکن، دردلریمیزنی او اوْزیگه آلدی، مریضلیکلریمیزنی اوْز ذمهسیگه آلدی. بیز ایسه : ”اونی خدا اورگن و جزاسینی کوْرگن“ دیب اوْیلهدیک.
۵لیکن او بیزنینگ گناهلریمیز یوزیدن اونینگ بدنی تیشیلدی، بیزنینگ عیبلریمیز یوزیدن او ایزیلدی، بیزگه تینچلیک کیلتیرهدیگن جزا، اونگه بیریلدی، اونینگ یَرهلری بیزگه شفا بیردی.
۶همّهمیز قوْیلردِک یوْلیمیزدن ادَشکن ایدیک، همّهمیز اوْز یوْلیمیزدن کیتدیک، لیکن یهوه همّهمیزنینگ عیبلرینی اونینگ گردنیگه یوکلهدی.
۷او ظلم و ستم کوردی، لیکن آغزینی آچمهدی. قوزیدِک سوییلیشگه آلیب باریلدی، قوینینگ یونگینی کیسهدیگن کیشینینگ آلدیدهگی قویدِک جیم توردی، ینه هم آغزینی آچمهدی.
۸ظلم محاکمهسی بیلن* آلیب کیتیلدی. اونینگ نسلیدن کیم گپلهشالهدی؟ او تیریکلر یورتیدن کسیلیب آتیلدی. خلقیمیزنینگ گناهسی یوزیدن اوریلدی.
۹گرچه او هیچ جبر قیلمهدی، آغزیده یالغان سوْز یوق ایدی، اونینگ قبری گناهکار انسانلر قطاری بیریلدی، اما اوْلگنیده او بایلرنینگ یانیگه قوْیییلدی.
۱۰یهوهنینگ ارادهسی شو ایدی که اونی ایزیب دردلرگه مبتلا قیلسه چونکی اونینگ جانینی گناه اوچون قربانلیک قیلدی. شوندِک او نسلینی کوْرهدی، عمری اوزاق بولهدی، یهوهنینگ ارادهسی اونینگ تفهیلی انجام بولهدی.
۱۱چیککن عذابلرینینگ میوهسینی کوْریب، خوشحال بوْلهدی. مینینگ صالح خدمتکاریم اوْز بیلیمی تفهیلی کوپ انسانلرنی پاک قیلهدی، چونکی اولرنینگ گناهلرینی اوْز اوستیگه آلهدی.
۱۲شونینگ اوچون مین اونی بویوکلر قطاریده اونگه حصه بیرهمن، او کوچلیلر بیلن اوْلجهلرنی بوْلیشهدی. چونکی، او جانینی اوْلیمگه بیردی، گناهکارلر قطاریده سنهلدی. کوْپلرنینگ گناهسینی او اوْزی اوستیگه آلدی، گناهکارلر اوچون شفاعت قیلهدی.