۲۶ملائیکه جبرئیل آلتینچی آیده، خدانینگ طرفیدن جلیل منطقهسیده ناصره دیگن شهرگه یوباریلدی. ۲۷تا که باکره قیزنینگ آلدیگه کیلسه. او قیز داود نسلیدن یوسف اسملی بیر کشینینگ نامزدی ایدی. او قیزنینگ آتی مریم ایدی. ۲۸ملائیکه اونینگ آلدیگه باریب اَیتدی : ”سلام، ای خدانینگ لطفیگه قرار تاپگن! پروردگاریمیز سین بیلندیر.
۲۹مریم ملائیکهنینگ سوْزلریدن خواطر آلیب اوْز آلدیگه : ”بوندهی سلاملهشماق نیمه ایکن؟“ دیب توشیندی.
۳۰ملائیکه اونگه : ”مریم، قوْرقمه، سین خدانینگ لطفینی تاپدینگ. ۳۱سین حامله بوْلیب، بیر اوْغیل دنیاگه کیلتیرهسن. اونینگ اسمینی عیسی* قوْیهسن. ۳۲او کتته بوْلهدی. اونی، خدای تعالینینگ اوْغلی* دیب اَیتیلهدی. پروردگاریمیز خدا اونگه باباسی داودنینگ تختینی بیرهدی. ۳۳او هر دائیم یعقوب خانهدانیگه* حکمرانلیک قیلهدی. حکمرانلیگینینگ آخری بوْلمهیدی“ دیدی.
۳۴مریم ملائیکهدن : ”بو قلی ممکن؟ من هیچ ایرکهک بیلن رابطهم بوْلمهگن“ دیب سورهدی. ۳۵ملائیکه جواب بیردی :
”مقدس روح سینگه کیلهدی،
خدای تعالینینگ قدرتی سینگه سایه بولهدی،
شو اوچون توغهدیگن اوْغلینگ، مقدس بوْلهدی،
و خدانینگ اوْغلی دیب اَیتیلهدی*.
۳۶منه، قرینداشینگ اِلیزابِت هم قریلیگیده حامله بوْلدی. توغری، اونینگ اوْغلی یولده، توغمهس دیب اَیتیلگن ایدی، حاضر حاملهلیگنی آلتیچی آییده. ۳۷خدا اوچون امکانسیز نِرسه یوْق!۳۸مریم : ”مین پروردگاریمنی خذمتچیسی من. حقیمده سیز ایتگهنیز دهی بوْلسین“ دیدی. کیین ملائیکه اونینگ آلدیدن کیتدی.
۱اوْشه کونلرده قیصر* اوغُسطُس* : ’بوتون دنیا خلقینی* نفوس قیدی آلینیشی اوچون بیر فرمان چیقهردی. ۲کرینیوسنینگ سوریهده حاکم بوْلگن پیتیده بو بیرینچی نفوس قیدی ایدی، اجرا بوْلدی. ۳نفوسگه قید بوْلیش اوچون همّه اوْز شهریگه جونهدی.
۴یوسف هم جلیل منطقهسیدهگی ناصره شهریدن، داودنینگ توغیلگن یهودیهنینگ بِیتلِحِمِ شهریگه جونهدی. چونکی یوسف داود خاندانیدن، و اونینگ نسلیدن ایدی. ۵یوسف نفوسگه قید بوْلیشی اوچون نامزدی بوْلگن مریمنی که ولادت قیلیش وقتی هم آز قالگن ایدی، اوْزی بیلن آلیب کیتدی. ۶اولر اوْشه ییرده بوْلگنلریده مریمنینگ ولادت قیلهدیگن وقتی کیلدی. ۷و بیرینچی بالهسینی، که اوغول ایدی، دنیاگه کیلتیردی. اونی قونداقه باغلهب آخورگه یاتغیزدی، چونکی مهمانخانهده اولرگه جای یوْق ایدی.
۸اوْشه منطقهده چوپانلر بار ایدی. اولر چولده یشهییب کیچهلری سوروویلرینی قورویهردیلر. ۹اولرنینگ قرشیسیده پروردگارمیزنینگ بیر ملائیکهسی کوریندی. پروردگارمیزنینگ اولوغلیگی و نوری اولرنینگ اطرافیگه یاختیلیک بیردی. چوْپانلر کوپ قورقدیلر.
۱۰اما ملائیکه اولرگه شوندی دیدی : «قوْرقمهنگلر! مینی سیزلرگه خوشخبریم بار. بو خبر همّه خلقلر اوچون کوپ قوانچلی دور. ۱۱بوگون داود شهریده* سیزلر اوچون نجات بیرهدیگن توغیلدی. او پروردگاریمیز مسیح دیر*. ۱۲چقالنینگ نشانهسی سیز اوچون شو، قونداقه اورهلگن و آخورده یاتگن حالتده اونی تاپهسیزلر».
۱۳بیردن کتته بیر گروه، آسمانی اوردو کوریندی. او ملائیکه بیلن خدانینگ ستایشی اوچون اَیتدیلر :
۱۴”عرش برینده بوْلگن خداگه حمد و ثنا بوْلسین،
خدادن مرحمت تاپگن ییردهگی انسانلرگه تینچلیک و سلامتچیلیک کیلسین!“
۱۵ملائیکهلر اولرنینگ آلدیدن، آسمانگه کوْتهریلیب کیتگندن کییین، چوْپانلر بیربیریگه اَیتدیلر : ”کیلینگلر، بِیتلِحِمِگه بارهیلیک! یوز بیرگن واقعهنی که پروردگارمیز بیزلرنی اوندن آگاه قیلدی، کوْرهیلیک!“
۱۶اولر عجله قیلیب کیتدیلر، مریم، یوسف و آخورده یاتگن چقالنی تاپدیلر. ۱۷اولر چقالنی کورگنلریده، اولرگه چقال حقیده اَیتیلگن سوزلرنی یایدیلر. ۱۸چوْپانلرنینگ گپینی کیم اشیتسه حیرتگه توشهردی. ۱۹لیکن مریم بو سوْزلرنینگ همّهسینی ایسلب* یورهگیده چوقور اویلهردی.
۲۰چوْپانلر کوْرگن و اشیتگن نِرسهلری و اولرگه ایتیلگهندهی بولگهنی اوچون خداگه حمد و ثنا اَیتیب قیتدیلر.