۱اوْشهنده، ابلیسنینگ وسوسه قیلیشی اوچون، مقدس روح عیسینی بیابانگه آلیب کیتدی. ۲عیسی قیرق کیچه و کوندوز روْزه توتگنی اوچون آچ قالدی. ۳اوْشهنده وسوسه قیلهدیگن عیسینی آلدیگه کیلیب اَیتدی : ”اگر سین خدانینگ اوْغلی بوْلسنگ، بو تاشلرگه بویور، نان بوْلسین!“
۴عیسی اونگه جواب بیردی : ”یازیلگن که ’انسان فقط نان بیلن یشهمهیدی، بلکه خدانینگ آغزیدن چیققن هر بیر سوْز بیلن یشهیدی*.‘“
۵کییین ابلیس عیسینی مقدس شهرگه آلیب باردی و اونی معبدنینگ اوستیگه چیقهردی. ۶اونگه شوندی دیدی : ”اگر سین خدانینگ اوْغلی بوْلسنگ، اوْزینگنی پستگه تشله، چونکی یازیلگن که : ”خدا سیننینگ اوچون ملائیکهلریگه امر بیرهدی و ملائیکهلر قوْللریده سینی توتهدی که مبادا آیاغینگنی تاشگه اورمهگین*.“
۷عیسی ابلیسگه جواب بیردی : ”شو هم یازیلگنکه ”پروردگارینگ خدانی سینهمه*.““
۸ینه بیر مرته ابلیس، عیسینی بلند تاغگه آلیب چیقدی. اونگه عالمنینگ برچه شاهلیکلرینی بوتون شان شهرتی بیلن کوْرسهتدی. ۹اَیتدی : ”اگر تیز چوْکیب مینگه سجده قیلسنگ، بولرنینگ همّهسینی سینگه بیرهمن.“
۱۰عیسی ابلیسگه اَیتدی : ”یوْقال کوْزیمدن، ای شیطان! چونکی یازیلگن که : ”پروردگارینگ خداگه عبادت قیل، فقط اونگه خدمت قیل*““
۱۱اوْشهنده ابلیس عیسینی ترک قیلدی. ملائیکهلر کیلیب، عیسیگه خدمت قیلدیلر.