۱کیین عیسی شاگردلری بیلن دریانینگ نریگی تمانیدهکی جدریلرنینگ منطقهسیگه کیتدیلر. ۲عیسی قایقدن توشگن پیتده، ناپاک روحگه توتیلگن بیر آدم قبرلر آرهسیدن اونینگ قرشیسیگه چیقیب، کیلدی. ۳او آدم قبرستانده یشهردی. اونی هیچ کیم، حتّی زنجیر بیلن هم باغلهب توتالمهسدیلر. ۴کوْپ مرته اونی کیشن و زنجیرلر بیلن باغلهگنلریده، او زنجیرلرنی آچیب، کیشنلرنی هم سیندیریب تشلهر ایدی. اونی آرام قیلیشگه هیچ کیمنینگ کوچی ییتمهس ایدی. ۵دایماً، کیچه و کوندوز قبرلر آرهسیده، تاغلرده بقیریب یورر، بدنینی تاشلر بیلن تیلیب، زخم قیلهردی.
۶او عیسینی اوزاقدن کوْریب، یوگوریب کیلدی و اونگه تعظیم قیلدی. ۷قتتیق سیسی بیلن فریاد قیلدی : ”ای عیسی، خدای تعالینینگ اوْغلی! منگه نیمه ایشینگ بار؟ خدانینگ آتی بیلن سنگه قسم بیرهمن، مینگه عذاب بیرمه!“ دیدی.
۸چونکی عیسی اونگه : ”ای ناپاک روح، بو آدمدن چیقیب کیت!“ دیب اَیتگن ایدی. ۹عیسی یرهمز روحدن : ”اسمینگ نیمه؟“ دیب سوْرهدی. ”اسمیم لژیون*، چونکی بیزلر کوْپچیلیکمیز“ دیب جواب بیردی. ۱۰اولرنی بو حدوددن تشقریگه هیدهب چیقهرمهسلیگینی عیسیدن قیته قیته یالواریب سوْرهدی. ۱۱اوْشه تاغنینگ یان بغریده کتته دونغوز سوروسو اوْتلهب یورگن ایدی. ۱۲یرهمز روحلر عیسیگه یالواریب : ”بیزنی شو دونغوزلرنی ایچیگه یوبارگین. اولرگه کِیرَهْیْلیک“ دیدیلر. ۱۳عیسی اولرگه اجازه بیردی. کیین ناپاک روحلر او آدمدن چیقیب، دونغوزلرنینگ ایچیگه کیردی. سوروده ایککی مینگگه یقین دونغوز بارایدی. تپهنینگ یوقاریسیدن دریاگه قرب هجوم قیلیب سووگه بوغیلدیلر.
۱۴دونغوز باقووچیلری قاچیب، بوْلیب اوْتگن حادثهنی شهر و قشلاقلرده خبر بیردیلر. اهالی ایسه نیمه بوْلگنینی کوْریش اوچون کیلدیلر. ۱۵اهالی عیسینینگ آلدیگه کیلگنلریده، اوْشه لژیونگه توتیلگن جننی آدمنی، کیینگن و عقلی رسا حالده اوْتیرگنینی کوْریب، وحشت قیلدیلر. ۱۶واقعهنی کوْرگنلر ایسه جننی آدمگه و دونغوزلرگه، نیمه روْی بیرگنی حقیده خلقگه سوْزلهب بیردی. ۱۷اوشنده محلیی خلق عیسیدن : ”منطقهسیمیزدن چیقیب کیتینگ“ دیب خواهش قیلدیلر.
۱۸عیسی قایققه مینهیاتگنیده جندن قورتولگن آدم عیسیگه : ”سیز بیلن کیتَهی“ دیب تمنی قیلدی. ۱۹لیکن عیسی راضی بوْلمهدی. اونگه شوندی دیدی : ”اوینگگه بار، پروردگارنینگ سینینگ اوچون نیمهلر قیلگنینی، قندی رحم شفقت کوْرستگنینی اوْز یقینلرینگه گپیریب بیر.“
۲۰کیین او کیشی دکاپولیس منطقهسیگه* باریب، عیسینینگ اونگه قیلگن همّه ذاتنی اعلان قیلیشگه باشلهدی. همّه حیرتگه توشدی.