۱بیر نیچه زمان سوْنگ عیسی جلیل دریاسینینگ نریگی تمانیگه اوْتدی (جلیل دریاسینی تیبِریه دریاسی دیب هم ایتیلهدی). ۲بیر کوپ خلایق مریضلرنی شفا بیرگن معجزهلیعلامتلرینی کوْرگنی اوچون عیسینینگ آرقهسیدن ایرگهشیب بارهردی. ۳کیین عیسی شاگردلری بیلن تاغگه چیقیب اوْتیردی. ۴یهودییلرنینگ فصح بیرهمی یقینلهشهیاتگن ایدی.
۵عیسی قرهدی، بیر کوپ خلایق نینگ اونینگ تامانیگه کیلگنینی کوردی؛ فیلیپُسدن : ”بو انسانلرنی اوقات قیلیشی اوچون قییردن نان ساتیب آلهمیز؟“ دیب سوْرهدی. ۶عیسی بو گپنی فیلیپُسنی سینهب کوْریش اوچون اَیتکن ایدی، اصلیده نیمه قیلیشنی اوْزی بیلر ایدی. ۷فیلیپُس شوندی جواب بیردی : ”بولرنینگ هر بیریگه بیر لقمه نان بیریش اوچون ایککی یوز کوموش تنگهگه* نان ساتیب آلسک هم ییتمهیدی!“ ۸شونده شاگردلریدن باشقه بیری، پطرسنینگ اوکهسی آندریاس عیسیگه دیدی : ۹”بو ییردهگی بیر بالهده، بیشته ارپه نان بیلن ایکی بلیق بار ایکن. لیکن شونچه آدمگه بو نیمه دی؟“ ۱۰عیسی ”انسانلرنی ییرگه اوْتیرتینگلر“ دیدی. او ییر جوده هم سبزهزار ایدی. تخمیناً بیش مینگگه یقین ایرکهک بار ایدی. ییرگه اوتیردیلر. ۱۱عیسی نانلرنی آلیب، شکر قیلگندن سوْنگ اوْتیرگنلرنینگ همّهسیگه ترقهتدی و بلیقلرنی هم ترقهتدیلر. آدملر ایستهگنلریچه ییدیلر. ۱۲همّهلری ییب توْیگنلریدن کییین، عیسی شاگردلریگه شوندی دیدی : ”آرتیب قالگن نان پارچهلرینی ییغیب آلینگلر، اسراف بوْلمهسین.“ ۱۳شاگردلر، خلقنینگ ییگن بیش ارپه ناندن آرتیب قالگن پارچهلرنی ییغیب جمع قیلدی. اوْن ایکی سبد توْلدی. ۱۴شونده آدملر عیسینینگ قیلگن معجزهلی علامتینی کوْریب : ”حقیقتاً هم دنیاگه کیلیشی کِرک بوْلگن پیغمبر منه شو کیشی ایکن“ دیدیلر. ۱۵خلق، اونینگ زوْر بیلن پادشاه قیلماقچین بوْلگنلرینی بیلگن عیسی، یالغیز ینه اوْزی تاقگه چیقیب کیتدی.
۱۶آقشم پیتی عیسینینگ شاگردلری دریاگه باردیلر. ۱۷شاگردلر قایققه مینیب، دریانینگ نریگی تامانیدهگی کَفَرناحومگه قرهب یوْل آلدیلر. هوا قرانلیک بوْلگن ایدی، عیسی بوْلسه حالی هم اولرنینگ آلدیگه کیلمهگن ایدی. ۱۸کوچلی شمال ایسیب، کوْل موج و توْلقینلهنیب کیتهیاتگن ایدی. ۱۹اولر ساحلدن بیش کیلومتر مسافه آلگن ایدیلر. کوْل یوزیده یوریب کیلهیاتگن عیسینی کوْردیلر. عیسی قایققه یقینلهشهیاتگن ایدی، شاگردلر قورقتیلر. ۲۰عیسی اولرگه ”قوْرقمهنگلر؛ مینمن“ دیدی. ۲۱اولر عیسینی قایققه آلماقچی بوْلدیلر. اوْشه زهاتی قایق اولر بارهیاتگن ساحلگه ییتیب توْختهدی.
۲۲ایرتهسی کونی دریانینگ نریگی تمانیده قالگن خلق، او یرده بیر قایقدن باشقه قایق بولمهگهنینی اورگندیلر و ینه شوندی عیسینینگ شاگردلری بیلن قایققه مینمهگهنینی و شاگردلرین یالغیز کیتگنلرینی بیلهردیلر. ۲۳اوْشه پیتده تیبِریهدن* باشقه قایقلر کیلیب قالدی. قایقلرنینگ توْختهگن جایی، پروردگاریمیزنینگ شکر قیلگندن سوْنگ خلقنینگ نان ییگن ییرگه یقین ایدی. ۲۴خلق، عیسی بیلن شاگردلرنی او ییرده یوْقلیگینی کوْرگنلری اوچون، قایقلرگه مینیب، عیسینی آختریب کَفَرناحوم شهریگه کیتدیلر. ۲۵اولر عیسینی دریانینگ نریگی تمانیده تاپیب، اوندن ”استاذ، سیز قهچان بو ییرگه کیلدینگیز؟“ دیب سوْرهدیلر ۲۶عیسی اولرگه شوندی جواب بیردی : ”سیزلرگه توغریسینی اَیتهی : سیزلر معجزهلی علامتلرنی کوْرگنینگیز اوچون ایمهس، بلکه نان ییب توْیگنینگیز اوچون مینی آخترهیهپسیزلر. ۲۷سیز کیلیب کیتهیاتکن آذوقه اوچون ایمهس، ابدی حیاتگهچه قالهیاتکن آذوقه اوچون زحمت قیلینگلر. بوندهی آذوقهنی سیزلرگه انسان اوْغلی بیرهدی. ذاتاً، آتهمیز خدانینگ اوْزی بونی تایید قیلگن دور. ۲۸آدملر عیسیدن ”خداگه معقول ایشلرنی بجهریش اوچون نیمه قیلیشیمیز کِرک؟“ دیب سورهدیلر. ۲۹عیسی : ”خداگه معقول بوْلگن ایش، خدانینگ یوبارگن کیشیسیگه ایمان کیلتیریش دور.“ دیدی. ۳۰اولر عیسیگه جواباً شوندی دیدیلر : ”سیزگه ایمان کیلتریشیمیز اوچون قندی بیر معجزهلی علامت کورسهتهسیز؟ نیمه ایش قیلهسیز؟ ۳۱آته بابالریمیز صحراده مَنّا* ییگنلر. شوندی یازیلگن : ”او اولرگه ییسین دیب، آسماندن نان بیردی.““* ۳۲عیسی اولرگه دیدی : ”سیزلرگه توغریسینی اَیتهی، سیزلرگه آسماندن نان بیرگن موسی ایمهس. آسماندن توشگن حقیقی ناننی سیزلرگه مینینگ آتهم بیرهدی. ۳۳خدانینگ نانی شوندهک بیر نان که، آسماندن توشیب دنیاگه حیات بیرهدی.“ ۳۴آدملر عیسیگه ”بوندهی ناننی بیزگه هر دایم بیریب تورینگ“ دیدیلر. ۳۵عیسی اولرگه جواب بیردی : ”مین حیات نانی من. مینینگ آلدیمگه کیلگن کیشی هیچ قهچان آچ قالمهیدی، مینگه ایمان کیلتیرگن کیشی هیچ قهچان سوسیز قالمهایدی. ۳۶اما مین سیزلرگه اَیتگنیمدهی، سیزلر مینی کوْرگن بوْلسنگیزلر هم، ایشانمیهپسیزلر. ۳۷آتهمنینگ مینگه بیرگن هر بیری کیشیسی، مینینگ آلدیمگه کیلهدی. آلدیمگه کیلگن هیچ بیر کیشینی مین هرگز هیدهب یوبارمهیمن.“