۱۷کونلردن بیر کون، عیسی نینگ تعلیم بیرهیاتگنده، فَریسیلر* و شریعت استاذلری* جلیل منطقهسیدن، یهودیه ولایتیدن و اورشلیم شهریدن کلیب اوتیرگن ایدیلر. پروردگارنینگ کسللرگه شفا بیریش قدرتی عیسیده بار ایدی. ۱۸بیر نیچته کیشی توشکده یاتگن بیر شل آدمنی کوْتهریب کیلدیلر. کوشیش قیلدیلر اونی اوینی ایچیگه و عیسینینگ آلدیگه آلیب بارسهلر. ۱۹لیکن بیروباردن یوْل تاپهلمهدیلر. تامنی اوستیگه چیقهریب تامنینگ تیشیگیدن شلنی توشگی بیلن توشیریب خلقنینگ اوْرتهسیگه و عیسینینگ آلدیگه قوْیدیلر.
۲۰عیسی اولرنینگ ایمانینی کوْریب، شلگه : ”ای ییگیت، گناهلرینگ کیچیریلدی!“ دیدی.
۲۱لیکن فَریسیلر و دین عالملری اوْز آللریگه توشیندیلر : ”بو آدم کیم؟ کفر ایتهیپتی! خدادن باشقه کیم گناهلرنی کیچیره آلهدی که؟!“ ۲۲عیسی اولرنینگ توشینچهلرینی بیلیب، شوندی سوال قیلدی : ”نیمه اوچون بوندهی نِرسهلرنی یورهگینگیزده اوْیلهیسیزلر؟ ۲۳قیسی بیرینی ایتیش آسانراغ؟ ”گناهلرینگ کیچیریلدی“ یا که ”جاینگدن تورو یوْل گه یورو“. ۲۴حاضر شونی بیلینگلر، انسان اوْغلینینگ* ییر یوزیده گناهلرنی کیچیریش قدرتی بار.“ عیسی شلگه : ”سینگه اَیتهمن، جاینگدن تور! توشگینگنی آلیب، اوینگگه بار!“ دیدی.
۲۵شل اوْشه زهاتی همّهنینگ کوْزی آلدیده جاییدن توردی. اوستیده یاتگن توشگینی آلدی. خداگه حمد و ثنا اَیتیب، اوییگه کیتدی. ۲۶همّه بو حادثهدن حیرتگه توشیب، خدانی جلال بیرهردی. قورقودن توْلیب ایتهردیلر : ”بوگون عقل باور قیلمهیدیگن عجائیب حادثهلرنی کوْردیک.“