۱فَریسیلر عیسینینگ یحییدن کوْپراق شاگرد تاپیب، غسل تعمید بیریاتگنلیگینی ایشیتگنایدی. عیسی بونی بیلدی. ۲توغریسی عیسینینگ شاگردلری غسل تعمید بیرهردی اوْزی ایمس ایدی. ۳یهودیه ولایتینی ترک قیلیب، ینه جلیل منطقهسیگه جونهدی. ۴اوْنینگ سامِرِه منطقهسیدن اوْتیشی کِرَک ایدی. ۵کیین او سامرهنینگ سوخار دیگن شهریگه* کیلدی. بو شهر، یعقوب اوْز اوْغلی یوسفگه بیرگن زمینگه یقین ایدی. ۶یعقوبنینگ قودوغی هم اوْشه ییرده ایدی. تخمیناً توش پیتی* ایدی، عیسی سفردن چَرچهب، قوْدوغ یانیده اوْتیردی.
۷اوْشه پییتده سامِره خلقیدن بیر عیال قودوغدن سوو ترتگهنی کیلدی. عیسی اونگه اَیتدی : «منگه بیراز سوو بیرایچَیْ!» ۸چونکه شاگردلری اوقات آلگنی شهرگه کیتگن ایدی.
۹سامِرِهلیک عیال اونگه اَیتدی : «سیز بیر یهودی سیز، قندهی قیلیب میندن یعنی سامِرِهلیک بیر عیالمن*، سوو تیلهیپسیز؟» چونکه یهودییلر سامرهلیکلر بیلن ارتباط قورمس ایدی. ۱۰عیسی عیالنینگ جوابیگه اَیتدی : «اگر خدانینگ بخششینی و سِیندن سوْو تیلهیاتکن کیشینینگ کیم بوْلگنلیگینی بیلگهنِینگده، اوْزینگ اوندن سِینگه تیریگ سوْو بیریشینی تیلهردینگ و او سینگه بیرهردی.» ۱۱عیال اَیتدی : «جناب، سِیزنینگ قوغهنگیز هم یوْق، قوْدوغ هم چوْقور. شونده تیریک سوْونی قییردن کیلتیرهسیز؟ ۱۲سِیز بوْ قوْدوغنی بیزگه بیرگن، اوْزی، بالهلری و ماللری هم بوْ قودوغدن سوو ایچکن آتهمیز یعقوبدن اولوغ میسیز؟» ۱۳عیسی اَیتدی : «بوْ سوْودن ایچکن هر بیر کیشی ینه سووسهب قالهدی. ۱۴لیکن من بیریهدیگن سوْودن ایچکن کیشی هرگز سووسهب قالمهیدی؛ من بیریهدیگن سوْو اونینگ ایچیده ابدی حیات بیرهدیگن بیر چشمه بولیب قینهب آقهدی.» ۱۵عیال اَیتدی : «جناب، اوْشه سوْودن منگه بیرینگ، که باشقه سوسهب قالمهی و سوو ترتگهنی بوْ ییرگه کیلمهی.» ۱۶عیسی اونگه : «باریب، ایرینگنی بو ییرگه چقیریب کیل» دیدی. ۱۷عیال جواب بیردی : «مینینگ ایریم یوْق.» عیسی اَیتدی : «ایرینگ بولمهگهنینی توغری اَیتدینگ؛ ۱۸چونکه بیشته ایرینگ بارایدی و حاضر بیرگه بولگهنینگ ایرینگ ایمس. بوْ ایتکن سوزینگ توغری.» ۱۹عیال اَیتدی : «جناب، کوْرهمَن کی، سیز پیغمبرسیز. ۲۰بیزنینگ آتهلریمیز بوْ تاغده* عبادت قیلگن، لیکن سیزلر عبادت قیلیش اوچون کِرَک بوْلگن ییرنی اورشلیم دیهسیزلر.» ۲۱عیسی اَیتدی : «ای عیال؛ مینگه ایشانگین، شوندهي وقت کیلهدیکی، سیزلر نه بوْ تاغده، نه اورشلیمده، آتهگه عبادت قیلهسیزلر. ۲۲سیزلر بیلمهگهنینگیز بیر ذاتگه عبادت قیلهسیزلر؛* بیزلر بیلگنیمیز بیر ذاتگه عبادت قیلهمیز، چونکه نجات یهودی خلقیدن کیلهدی. ۲۳لیکن شوندی وقت کیلهدی که حاضر اوْشه وقت کیلگن، حقیقی عبادت قیلهدیگنلر، آتهگه روح و حقیقت بیلن عبادت قیلهدیلر. چونکه آته شوندی عبادت قیلهدیگنلرنی آخترهدی. ۲۴خدا روح دور؛ اونگه عبادت قیلهدیگنلرنینگ روح و حقیقت بیلن عبادت قیلیشی کِرَک.» ۲۵عیال : «مین بیلهمن مسیح (مسح قیلینگن*) کیلهدی. او کیلگهنِده بیزگه همّه نِرسهنی اَیتیب بیرهدی» دیدی. ۲۶عیسی اونگه : «سین بیلن کپلهشهیتکن مین، اوْشه کیشی من.»
۳۹کیین اوْشه عیالنینگ : «مینی قیلگن همّه ایشلریمنی اَیتیب بیردی»، دیب بیرگن شهادتی تفهیلی، اوْشه شهردهگی کوْپ سامِریهلیکلر، عیسیگه ایمان کیلتیردیلر. ۴۰عیسینینگ يانیگه کیلگنلریده، سامِریهلیکلر عیسینی اوْلر بیلن قالیشینی خواهلهدیلر. عیسی اوْلر بیلن ایککی کون قالدی. ۴۱عیسینینگ اَیتگن سوْزلری تفهیلی کوْپ کیشیلر ایمان کیلتیردی. ۴۲اوْلر اوْ عیالگه : «اِندی بیز فقط سینینگ شهادتینگ تفهیلی ایمان کیلتیرگن ایمس، بلکه اوْزیمیز اونینگ سوزلرینی ایشیتک و بیلهمیز که بوْ کیشی حقیقتاً دنیانینگ نجات بیرهدیگنی دور» دیب اَیتدیلر.