۴آسمان بیلن ییرنینگ یرهتیلیشی حکایهسی بوندن عبارت ایدی.
یهوه خدا، آسمان بیلن ییرنی یرهتگن پیتیده ۵ییر یوزیده هیج بیر اوْت بوْلمهگن، و هیج بیر گیاه چیقمهگن ایدی، چونکه یهوه خدا هنوز یاغمور یاغدیرمهگن ایدی، و کشت قیلهدیگن بیر کشی هم یوق ایدی. ۶لیکن ییر آستیدن سوو چیقیب، بوتون ییر یوزینی سیراب قیلهردی. ۷کییین یهوه خدا ییرنینگ توپراغیدن آدمنی توزهتدی و اونینگ بورونیگه حیات نَفَسِینی پوفلهدی و آدم تیریک جانلی بوْلدی. ۸یهوه خدا، شرق تمانیده عدن دیگن جایده باغ توزهتدی. اوْزی یرهتگن آدمنی اوْشه باغگه قوْیدی. ۹یهوه خدا ییردن چیرایلی، لذتلی میوه بیرهدیگن هر خیل درختلرنی اوْستیردی. باغنینگ اوْرتهسیده ایسه حیات درختینی و یخشیلیک بیلن یامانلیکنی بیلیش درختینی اوْستیردی.
۱۰عدندن بیر دریا آقیب کیلیب، باغنی سوغارهردی و اوْشه ییردن توْرت بخشگه بوْلینهردی. ۱۱بیرینچی دریانینگ آتی ”فیشون“ بوْلیب، بوتون حَویلَه منطقهسیدن٬ که اوْشه ییرده طلاسی بار٬ بوْیلهب آقهردی. ۱۲اوْشه ییرنینگ طلاسی خالص دیر. او ییرده خوشبو عطرلر و عقیق تاشلر هم بار. ۱۳ایککینچی دریانینگ آتی ”جِیحون“ بوْلیب، بوتون کوش منطقهسیدن بوْیلهب آقهدی. ۱۴اوچینچی دریانینگ آتی ”دِجلِه“ بوْلیب، آشور منطقهسینینگ شرقیدن آقیب اوْتهدی. توْرتینچی دریانینگ آتی ”فرات“ دیر.
۱۵یهوه خدا، آدمنی عدن باغیگه ایشلهویرسین، پرورش قیلسین دیب، جایلهشتیردی. ۱۶یهوه خدا آدمگه شوندی امر قیلیب اَیتدی : ”سین باغدهگی همّه درختنینگ میوهسیدن بیملال یییهویر. ۱۷لیکن یخشیلیک و یامانلیک بیلیش درختینینگ میوهسیدن هرگز ییمهیسن. اوندن ییگن پیتینگده، شُپهسیز، اوْلهسن.“
۱۸یهوه خدا اَیتدی : ”آدمنینگ یالغیز بوْلیشی یخشی ایمهس. اونگه مناسب شریک یرهتهمن“ دیدی. ۱۹یهوه خدا، توپراقدن هر خیل حیوانلرنی و هر خیل قوشلرنی یرتیپ، آدمنی آلدیگه آلیب کیلدی؛ کورسین که آدم اولرگه قنهقه آت بیرهرکن. آدم هر بیر جانور اوچون نیمه دیب چقیرسه اوْشه چقیرگن آتی جانورلرنینگ آتی بوْلدی. ۲۰آدم همّه اهلی حیوانلرگه، قوشلرگه و وحشی حیوانلرگه آت بیردی. لیکن هیج بیری آدمگه مناسب شریک ایمس ایدی. ۲۱کیین یهوه خدا آدمنی قتتیق اوخلهتیب قوْیدی. آدم اوخلهب یاتگنیده، خدا اونینگ قبرغهسیدن بیتتهسینی آلیب، اوْ ییرینی اِت بیلن تولدیردی. ۲۲یهوه خدا آدمنینگ قبرغهسیدن خاتیننی یرهتدی و اونی آدمنینگ آلدیگه آلیب کیلدی. ۲۳اوْشهنده آدم اَیتدی :
”بو مینینگ سویهکلریمدن پیدا بوْلگن سویهکدیر،
مینینگ اِتیمدن یرهتیلگن اِت دیر.
او خاتین دیب اَیتیلسین،
چونکی او ایرکهکدن آلینگن دیر*.“
۲۴شونینگ اوچون ایرکهک کیشی آته آنهسیدن ایریلیب، خاتینیگه باغلهنهدی، ایککهلهسی بیر تن بوْلهدیلر.۲۵آدم بیلن خاتینی یلهنغاچ ایدیلر، بیربیرلریدن اویهلمهسدیلر.