۲۵بیر کون شریعت استاذلریدن بیری، سینهش مقصدیده عیسیدن شوندی سوال قیلدی : ”استاذ، ابدی حیاتگه ایگه بوْلیشیم اوچون مینی نیمه قیلیشیم کِرک؟“ ۲۶عیسی جوابیده اَیتدی : ”توراتده نیمه یازیلگن؟ سیز اونی قندی اوقیسیز؟“ ۲۷او کیشی جواب بیردی : ””پروردگارینگیز خدانی بوتون قلبینگیز بیلن، بوتون جانینگیز بیلن، کوچینگیز بیلن، بوتون فکرینگیز بیلن سیونگ“* و ”همسایهنگیزنی اوْزینگیزنی سیوگندهی سیونگ“*“ دیدی
۲۸عیسی : ”توغری جواب بیردینگیز. سیز هم شوندی قیلینگ که یشهیسیز“ دیدی. ۲۹اما او آدم اوْزینی آقلهماقچی بوْلیب، عیسیدن : ”مینینگ همسایم کیم؟“ دیب سوْرهدی. ۳۰عیسی شوندی جواب بیردی : ”بیر آدم اورشلیم شهریدن اَریحا شهریگه* بارهیاتکن ایکن. یولده اوغریلرنینگ قوْلیگه توشدی. اوغریلر اونی لوچ قیلیب اوردیلرو چلهجان قیلیب تشلهب کیتدیلر. ۳۱تصادفاً بیر کاهن* اوْشه یوْلدن اوته یاتکن ایدی. او آدمنی کوْردی لیکن یوْلینی تغیر بیریب یولنینگ نریگی تمانیدن اوْتیب کیتدی. ۳۲لاوی* هم اوْشه یوْلدن اوْتیب کیتهیاتگن ایدی. او هم اوْشه ییرگه بارگَنیده او آدمنی کوْریب، یوْلینی باشقه قیلدی. ۳۳لیکن مسافر بوْلگن سامرهلی* اوْشه ییرگه بارگَنیده اوْشه آدمنی کوْردی و اونگه یورهگی کویدی. ۳۴اونینگ یانیگه کیلیب، یرهلریگه شراب توکیب و یاغ سورتیب باغلهدی*. سوْنگ اونی اوْز مرکبیگه میندیریب مسافرخانهگه آلیب باردی و اونگه قرهدی*. ۳۵ایرتهسی کونی* مسافرخانه ایگهسیگه ایککی دینار* بیردی و ایتدی : ”بو آدمگه قرهنگ. اگر بوندن کوپراق خرچ قیلسنگیز، قیتیشیمده سیزگه بیرهمن.“ ۳۶”سیزنینگچه، اوْشه اوچ آدملردن قیسی بیری، اوغریلرنینگ قوْلیگه توشگن آدمنینگ همسایهسی ایدی؟“ ۳۷”اونگه شفقت کوْرسهتگن آدم“ دیب جواب بیردی. عیسی اونگه ”سین هم اوْشهندی قیل“ دیدی.
۱۱کیین عیسی دوام اییتتریب اَیتدی : ”بیر کیشینینگ ایککی اوْغلی بار ایدی.“ ۱۲بیر کون کیچکینه اوْغلی آتهسیگه اَیتدی : ”آته، مال و دارایینگیزدن مینگه یتیشهدیگن سهمنی، حاضر بیرینگ.“ آتهسی مال و دارایییسینی ایککی اوْغلی آرهسیگه بوْلیب بیردی.
۱۳بیر مدت سونره، کیچیک اوْغیل بار نِرسهسینی جمع قیلیب، اوزاق بیر مملکتگه کیتیبدی. مال داراییسینی اوْشه ییرده عیاشلیکده سهوردی. ۱۴نمیه نِرسهسی بوْلسه خرچ قیلدی٬ اوْشه مملکتده آغیر قحطچیلیک باشلهدی. او محتاج بوْلیب قالدی. ۱۵شونینگ اوچون اوْشه ییردهگی انسانلردن بیرینینگ خذمتیگه باشلهدی. او کیشی اونگه مزرعهسیدهگی خوکلرنی* باقیش ایشینی بیردی. ۱۶ییگیت خوکلر یییدیگن خوراکیدن قارنینی تویغیزیشنی آرزو قیلهردی، لیکن اونگه هیچ کیم بیر ذات بیرمهس ایدی.
۱۷نهایت اوغیل اوزیگه کیلدی و اَیتدی : ”آتهمنینگ بیر کوپ خذمتچیلری بار. اولرنینگ اضافه خوراکلری هم بار. من بوْلسه بو ییرده آچلیکدن اوْلیهپمن. ۱۸ایندی آتهمنینگ آلدیگه کیتهمن و اونگه اَیتهمن : ”آته، مین سیزگه و آسمانگه* قرشی گناه قیلدیم. ۱۹ایندی سیزنینگ اوْغلینگیز دیب اَتیلیشگه لایق ایمهسمن. مینگه خذمتچیلرینگیزنی بیری دهی رفتار قیلینگ.“دیدی
۲۰کیین توردی و آتهسینینک اوییگه جونهدی. اوزاقده ایدی، آتهسی اونی کوْردی. یورهگی کوییب اونینگ طرفیگه چاپیب باردی. اوغلینی قوچاقلهب کوپ اوپْتدی.
۲۱اوْغیل : ”آته، سیزگه و آسمانگه* قرشی گناه قیلدیم. ایندی سیزنینگ اوْغلینگیز دیب اَتیلیشگه لایق ایمهسمن.“ دیدی.
۲۲لیکن آتهسی خدمتکارلریگه اَیتدی : ”تیز بوْلینگلر، اینگ یخشی لباسنی کیلتیریب اونگه کیدیرینگلر. قوْلیگه یوزوک تاقینگلر، آیاقلریگه چاریق کییدرینگلر. ۲۳بورداقی اوجَینی کیلتیریب سویینگلر، یِیِیلِینگ و جشن قیلیلینگلر. ۲۴چونکی بو اوْغلیم اوْلگن ایدی تیریلدی، یوْقالگن ایدی تاپیلدی.“ کیین خرسندچیلیک قیلیب جشن آلدیلر. ۲۵کتته اوْغیل مزرعهده ایدی. اویگه یقلهشگَنیده موسیقی و اوْین سیسی ایشیتدی. ۲۶خذمتچیلردن بیرینی چقیریب : ”نیمه گپ بار؟“ دیب سوْرهدی. ۲۷خذمتچی ”اوکهنگیز قیتیب کیلدی. آتهنگیز بورداقی اوجینی سویدی، چونکی اوغلینی ساغ سلامت قیتهدن تاپیب آلدی“ دیدی.
۲۸بونی ایشیتگهنی اوچون اچّیغی کیلدی. اویگه کیریشنی خواهلهمهدی. آتهسی تشقریگه کیلیب اونگه التماس قیلدی. ۲۹اما او آتهسیگه شوندی جواب بیردی : ”ییللردیر، سیزگه خذمت قیلهمن و هیچ قهچان سیزنینگ امرینگیزدن نااطاعتلیک هم قیلمهدیم. لیکن سیز مینگه هیچ قهچان حتّی بیر اوغلاق هم بیرمهدینگیز، که مین دوْستلریم بیلن جشن آلسم. ۳۰اما مال و دارایینگیزنی فاحشهلرگه سهوروب یییگن اوْغلینگیز قییتیب کیلیبتدی و اونگه بورداقی اوجی سوییبسیز.“
۳۱آتهسی اونگه شوندی جواب بیردی : ”اوْغلیم! سین دایماً مین بیلن بیرگهسن. مینینگ بار نِرسهم سینیکی. ۳۲لیکن حاضر خوشحال بوْلیب جشن آلهیلینگ، بو اوکهنگ اوْلگن ایدی تیریلدی، یوْقالگن ایدی تاپیلدی.“