۹عیسی اوْزلرینینگ صالحلیگیدن مطمين بوْلیب، باشقهلرگه پست نظر بیلن قرهیدیگن بعضی کیشیلر حقیده شو مَثَلنی اَیتیب بیردی : ۱۰”ایککی کیشی عبادت قیلگنی معبدگه باردی. اولرنینگ بیری فَریسی، ایککینچیسی جزیهگیر ایدی. ۱۱فَریسی جاییدن توریب، اوْزی اوچون شوندی دعا قیلدی : ”خداییم، سینگه شکر قیلهمن! چونکی مین باشقه انسانلرگه اوْخشهب اوْغری، بدکاره، زناکار ایمسمن، یاکه منه شو جزیهگیردهک ایمهسمن. ۱۲مین هفتهده ایککی مرته روْزه توتهمن. تاپگنیمنینگ اوْنده بیرینی بیرهمن.
۱۳لیکن اوْشه جزیهگیر، اوزاقده توریب، حتّی آسمانگه قرهشگه هم جرأت قیلالمهدی*، بلکه سینهسیگه اوریب ایتهردی : ”خداییم، مین گناهکارگه، رحم قیل!“ ۱۴”سیزگه اَیتهمن : منه شو آدم صالح سنهلیب اویگه قیتدی. ینه بیرتهسی* ایمس. چونکی اوْزینی مختهگن* کیشیلر خوار بولهدی. اوزینی پست آلگن کیشیلر سربلند بولهدی.“
۲۴شو پیتگهچه مینینگ نامیم بیلن هیچ نِرسه تیلهمهدینگیزلر. تیلهنگلر که آلهسیزلر و شادمانلیگینگیز کامل بوْلسین.