۱ایلعازَر اسملی بیر کیشی کسل ایدی. او مریم و اونینگ سینگلیسی مارتانینگ قشلاغی بیتعَنْیادن* ایدی. ۲مریم پروردگارگه عطر سورتگن و اونینگ ایاقلرینی ساچی بیلن ارتیب قوریتگن اوْشه عیال ایدی. حاضر ایسه ایلعازَر مریمنینگ ایناغهسی مریض بوْلگن ایدی. ۳ایلعازَرنینگ سینگلیلری عیسیگه : ”پروردگاریمیز، سیزنینگ عزیز دوْستینگیز کسل“ دیب خبر یوباریشدی. ۴عیسی بو خبرنی ایشیتیب، شوندی دیدی : ”بو کسللیک اوْلیم بیلن بیتمهیدی، بلکه خدانینگ جلال تاپیشیگه و شو آرقهلی خدانینگ اوْغلینینگ جلال تاپیشیگه سبب بوْلهدی. ۵عیسی مارتانی، اونینگ سینگلیسی و ایلعازَرنی یخشی کوْرر ایدی. ۶ایلعازَرنینگ مریض بولگنینی اورگنگنده، ینه ایککی کون بوْلگن جاییده قالدی. ۷سوْنگره عیسی شاگردلریگه : ”یهودیهگه قیتیب بارهیلیک“ دیدی. ۸شاگردلری : ”استاذ یهودییلر سیزنی سنگسار قیلماقچی بوْلگن پیتتن کوپ زمان اوتمهدی و ینه او ییرگه بارماقچیمیسیز؟“ دیدیلر. ۹عیسی جواب بیردی : ”کوندوز اوْن ایککی ساعتدن عبارت ایمهسمی؟! کیم کوندوزی یورسه، لغزش یمهایدی، چونکی بو دنیانینگ نورینی کوْرهدی. ۱۰لکین کیچه یورگن کیشی بوْلسه لغزش ایهدی، چونکی اونینگ نوری یوْق.“ ۱۱بو سوْزلردن کیین اولرگه ینه اَیتدی : ”دوْستیمیز ایلعازَر اوخلهب قالدی. مین اونی اویغاتگنی کیتیهپمن.“ ۱۲شاگردلری : ”پروردگاریمیز، اگر اوخلهب یاتگن بوْلسه، توزهلیب کیتهدی“ دیدی. ۱۳عیسی ایلعازَرنینگ اوْلیمی حقیده گپلهشهیتکن ایدی. شاگردلر بوْلسه عیسینینگ نرمال اویقی حقیده گپیردی، دیب اوْیلهدیلر. ۱۴کییین عیسی اولرگه آچیق آچیق اَیتدی : ”ایلعازَر وفات قیلدی. ۱۵من اوْشه ییرده ایمهس ایدیم. سیزلر اوچون خرسندمن که ایمان کیلتیرینگلر. حاضر، ایندی اونینگ آلدیگه بارهیلیک.“ ۱۶شونده توْما، یعنی دیدیموس،* باشقه شاگردلرگه : ”قنی، یورینگلر، بیز هم عیسی بیلن اوْلهیلینگ“ دیدی. ۱۷عیسی او ییرگه ییتیب بارگَنیده، ایلعازَرنینگ قبرگه قوْیییلگنینی توْرت کون بوْلگن لیگینی بیلدی. ۱۸بِیتعَنْیا اوشلیمدن اوچ کیلومتر مسافهده بوْلگن قشلاق ایدی. ۱۹بیر کوْپ یهودییلر مارتا بیلن مریمنینگ آلدیگه ایناغهسینینگ وفاتی مناسبتی، تسلی بیریش اوچون کیلگن ایدیلر. ۲۰مارتا عیسینینگ کیلهیاتگنینی ایشیتیب، اونی کوتیب آلگنی چیقدی. مریم بوْلسه اویده قالدی. ۲۱مارتا عیسیگه : ”پروردگاریمیز! سیز بو ییرده بوْلگنینگیزده، ایناغم اوْلمهگن بوْلردی“ دیدی. ۲۲اما حاضر هم بیلهمن، سیز خدادن نیمه خواهلهسنگیز، خدا سیزگه بیرهدی. ۲۳عیسی : ”سیننینگ ایناغنگ تیریلهدی“ دیدی. ۲۴”بیلهمن، آخرتده تیریلهدی“ دیدی مارتا. ۲۵عیسی اونگه دیدی : ”مین تیریلیش و حیات من. مینگه ایمان کیلتیرگن کیشی اوْلسه هم یشهیدی. ۲۶هر کیم تیریک بوْلسه و مینگه ایمان کیلتیرگن بوْلسه، هرگز او اوْلمهیدی. مونگه ایشانهسنمی؟“ ۲۷مارتا عیسیگه : ”هه، پروردگاریم، مین اشانهمن که سیز مسیح، خدانینگ اوْغلیسیز. دنیاگه کیلیشی کِرک بوْلگن کیشی سیز سیز“ دیدی. ۲۸مارتا شوندی دیدی، باریب سینگلیسی مریمنی چقیردی. اونگه شبیردهب اَیتدی : ”استاذ شو ییرده. او سینی چقیریهپتی.“
۲۹مریم بونی ایشیتگهنیدی، درحال اورنیدن توریب عیسینینگ آلدیگه چاپیب کیلدی. ۳۰عیسی هنوز قشلاققه کیرمهگن ايدي، بلکه مارتانینگ اونی کوتیب آلگن جایده ایدی. ۳۱مریم بیلن اویده بوْلگن و اونگه تسلی بیرهیاتگن یهودیلر اونینگ عجله قیلیب جاییدن توریب تشقریگه چیققنینی کوْردیلر. مریمنی آرقهسیدن کیتدیلر. ییغلهماق اوچون قبرستانگه کیتیهپتی، دیب اوْیلهدیلر. ۳۲مریم، عیسینینگ تورگن ییرگه ییتیب باردی. عیسینی کوْرگهندی، اونینگ ایاغیگه ییقیلیب : ”پروردگاریم! سیز شو ییرده بوْلگنینگیزده مینینگ ایناغم اوْلمهگن بوْلردی“ دیدی. ۳۳عیسی، مریم هم اونینگ بیلن کیلگن یهودیلرنی ییغلهیاتگنلریینی کوریب روحیده آه ترتیب جوده ناراحت بوْلدی. ۳۴عیسی ”اونی قییرگه قوْیدینگیزلر؟“ دیب سوْرهدی. ”پروردگاریمیز، کلینگ و کوْریینگ“ دیدیلر. ۳۵عیسینینگ کوْزلریدن یاش آقدی. ۳۶اوْشه ییردهگی یهودیلر : ”قرهنگلر، اونی قنچه یخشی کوْرر ایکن دیدی. ۳۷اولردن بعضیلری بوْلسه، شوندی دیدی : ”او کوْرنینگ کوْزلرینی آچگن. ایلعازَرنینگ اوْلیمیگه مانع بولالمهسمیدی؟“
۳۸عیسی منه شوندی روحیده آه ترتیب، قبرنی آلدیگه کیلدی. قبر بیر غاردن بوْلیب، آغزی تاش بیلن قمهلگن ایدی. ۳۹عیسی : ”تاشنی آلینگلر!“ دیدی. مرحومنینگ سینگلیسی مارتا اونگه دیدی : ”پروردگاریم، او یرهمس ایس بیرهدی، اخیر، قبرگه قوْیییلگنیده توْرت کون بوْلدی!“ ۴۰”اگر ایمانینگ بوْلسه، خدانینگ جلالینیی کوْرهسن، دیب سینگه اَیتمهگنمیدیم؟“ دیدی عیسی. ۴۱کیین تاشنی آلدیلر. عیسی بوْلسه آسمانگه کوْز تیکیب : ”ای آته! مینی ایشیتگنینگ اوچون سینگه شکرلر اَیتهمن“ دیدی. ۴۲”سین مینی دایما ایشیتیشینگنی بیلهمن. لیکن بو سوْزلرنی شو ییرده تورگن خلق اوچون اَیتیهپمن، تا که مینی سینینگ یوبارگنینگگه، اولر ایشانسینلر.“ ۴۳شوندی دیدی، و کیین قتتیق آواز بیلن چقیردی : ”ایلعازَر، تشقریگه چیق!“ ۴۴اوْشه پیتده، اولگن کیشی قوْل و ایاقلری کفنلهنگن، یوزی روْمال بیلن اوْرهلگن حالده چیقیب کیلدی. عیسی انسانلرگه : ”کفنینی آچینگلر و اونی قوْیینگلر کیتسین“ دیدی.