۲۰اوْشه پیتده زَبدی اوغیللرینینگ آنهسی ایککی اوْغلی* بیلن عیسینینگ آلدیگه تیزه چوْکیب اونینگ تیلهگینی ییریگه کیلتریشینی تیلهدی. ۲۱عیسی سورهدی : ”تیلهگینگیز نیمه؟“ عیال : ”اجازه بیرینگ سیزنینگ پادشاهلیگینگیزده اوْغیللریمنینگ بیری سیزنینگ راست تامانینگیزده*، بیری چپ تامانینگیزده اوْتیرسین!“ دیدی. ۲۲عیسی شوندی جواب بیردی : ”سیزلر نیمه تیلهگهنینگیزنی بیلمهیسیزلر. آیا مینیگ تیز وقتده ایچهیاتکن جامدن* سیزلر ایچه آلهسیزلرمی؟*“ ایچه آلهمیز! دیب جواب بیردیلر. ۲۳عیسی اولرگه اَیتدی : ”سیزلر مین ایچهدیگن جامدن ایچهسیزلر*، لیکن بیلینگلر، مینینگ راست و چپ تامانیمده اوْتیریش که اونی بیریگه عطا قیلسم مینی اختیاریمده بوْلگن ایمس. بو ییرآسماندهگی آتهم نینگ تیارلهگهن کیشیلری اوچون بوْلهدی.
۲۴قالگن اوْن شاگرد بونی ایشیتیب، ایککهله اکه اوکه اوستیگه اچچیغی کیلدی. ۲۵عیسی اولرنی یانیگه هیقیریب اَیتدی : ”بیلهسیزلر که باشقه خلقلرنینگ حاکملری اولرگه پادشاهلیگ قیلهدی. کتتهکانلری اولرگه فرمانروالیک قیلهدیلر. ۲۶اما سیزلرنینگ آرهنگیزده موندهی بوْلمهسین. آرهنگیزده کیم کتته بوْلیشنی ایستهسه، سیزلرنینگ خذمتکاری بوْلیشی کِرک. ۲۷آرهنگیزده کیم بیرینچی بوْلیشنی ایستهسه، سیزلرگه خذمتچی بوْلیشی کِرک. ۲۸شوندی انسان اوْغلی هم اوْزیگه خدمت قیلدیریش اوچون کیلگن ایمس، بلکه اوْزی باشقهلرگه خدمت قیلیش اوچون کیلگن و اوْز جانینی بیر کوْپ کیشیلرنینگ آزادلیک فدیهسی قیلگن.