۱بو سوْزلرنی اَیتگندن سوْنگ، عیسی اوْز شاگردلری بیلن او ییردن چیقیب، قِدرون درهسینینگ نریگی تامانیگه اوْتدی. اوْشه ییرده بیر باغ بار ایدی. عیسی شاگردلری بیلن باغگه کیردی. ۲عیسیگه خیانت قیلگن یهودا هم اوْشه جاینی بیلهردی، چونکی عیسی شاگردلری بیلن اوْشه ییرده بیر کوپ مرته اوچرهشکن ایدی. ۳کیین یهودا بیر گروه روم عسکرلرینی، باش کاهنلرنینگ و فریسیلرنینگ مامورلرینی، یانیگه آلیب او ییرگه کیلدی. اولر چراغ، مشعله، و سلاحلر بیلن کیلدیلر. ۴عیسی باشیگه کیلهدیگن همّه نِرسهنی بیلر ایدی. او، آدملرنینگ یانیگه کیتیب سوْرهدی : ”کیمنی آخترهیهپسیزلر؟“ ۵اولر : ”ناصرهلیک عیسینی“ دیب جواب بیردی. ”اوْشه مین من“ دیدی. عیسیگه خیانت قیلگن یهودا، اولرنینگ آرهسیده تورگن ایدی. ۶عیسینینگ ”اوْشه مینمن“ دیییشیدن، اولر آرقهسی بیلن قیتیب، ییرگه ییقیلیدیلر. ۷عیسی اولردن ینه سوْرهدی : ”کیمنی آخترهیهپسیزلر؟“ ”ناصرهلیک عیسینی“ دیدیلر. ۸عیسی اولرگه : ”سیزلرگه اَیتدیم کو، اوْشه مینمن. اگر مینی آخترهیاتگن بوْلسنگیزلر، بولرنی قوْیینگ کیتسینلر“ دیدی. ۹بیراز آلدین ایتکن یعنی «سین مینگه بیرگن کیشیلردن هیچ بیرینی یوْقاتمهدیم*» سوزلرینی جایییگه کیلیشی اوچون شوندی دیدی. ۱۰اوْشهنده پطرس یانیدهگی قیلیچینی چیقریب، باش کاهننینگ خدمتکارینی اوریب، اوْنیگ راست قولاغینی کیسیب تشلهدی. اوْشه خدمتکارنینگ اسمی مالخوس ایدی. ۱۱عیسی پطرسگه : ”قیلیچینگنی پوشیگه سالیب قوْی! آتهمنینگ بیرگن کاسهسیدن* مینی ایچیشیم کِرک ایمس می؟“ دیدی. ۱۲کیین روم عسکرلری قومندانی بیلن و یهودیی مامورلری بیلن عیسینی اوشلب اونینگ قوْللرینی باغلهدیلر. ۱۳عیسینی اوّل حَنّانینگ آلدیگه آلیب باردیلر. حَنّا اوْشه پیتدهگی باش کاهن بوْلگن قیافانینگ قینهتهسی ایدی*. ۱۴قیافا، یهودییلرگه : ”خلق اوچون بیر آدمنینگ اوْلیشی یخشیراق“، دیب مصلحت بیرگن اوْشه کیشی ایدی. *
۱۵عیسینینگ آرقهسیدن پطرس و باشقه بیر شاگرد ایرگهشیب باردی. بو شاگرد، باش کاهننینگ تانیشی ایدی، عیسی بیلن باش کاهننینگ حولیسیگه کیردی. ۱۶پطرس بوْلسه دروازهدن تشقریده قالدی. باش کاهنگه تانیش بوْلگن شاگرد تشقریگه چیقیب دروازهبان خاتون بیلن گپلهشیب، پطرسنی ایچکهریگه آلیب کیردی. ۱۷اوْشه پیتده دروازهبان خاتون پطرسدن : ”سیز هم او آدمنینگ شاگردلریدن ایمهسمیسیز؟“ دیب سوْرهدی. پطرس : ”یوْق!“ دیدی. ۱۸هوا ساووق بوْلگنی اوچون او ییرده تورگن خدمتکارلر، مامورلر کوْمیر یاقیب، ایسینب یاتکن ایدیلر. پطرس هم اولربیلن بیرگه ایسینیب توردی.
۱۹باش کاهن عیسیدن شاگردلری و تعالیمی بارهسیده سوال قیلدی. ۲۰عیسی اونگه : ”مین دنیاگه آچیق آچیق گپلهشدیم. همّه یهودییلر ییغیلگن کنیسهده و معبدده هردایم تعلیم بیرگنمن، هیچ یاشیرینچی گپ اَیتمهدیم“ دیب جواب دیدی. ۲۱نیمه اوچون میندن سورهیسیز؟ گپلریمنی ایشیتگن آدملردن سوْرهنگ. نیمهلر حقیده گپیرگنیمنی اولر بیلهدی. ۲۲عیسی بولرنی اَیتگنی اوچون، یانیده تورگن معبد مامورلریدن بیری عیسینینگ یوزیگه بیر شپّات اوریب، ”باش کاهنگه هم شوندی جواب بیرهسنمی؟“ دیدی. ۲۳عیسی بونگه جواباً : ”اگر مین ناتوْغری گپیرگن بوْلسم، ناتوْغری جایینی کوْرست. اگر توغری گپیرگن بوْلسم، نیمه اوچون مینی اورهسن؟“ دیدی. ۲۴شوندن کییین، حَنّا عیسینی قوْلی باغلهنگن حالده باش کاهن قیافا حضوریگه یوباردی.
۲۵پطرس الووی آلدیده ایسینیب توررگنیده، بعضیلر اوندن : ”سین هم اونینگ شاگردلریدن ایمهسمیسن؟“ دیب سوْرهدی. ”یوْق! ایمهسمن“ دیب انکار قیلدی. ۲۶باش کاهننینگ خدمتکارلریدن بیری، پطرس قولاغینی کیسیب تشلهگن آدمنینگ قرینداشی ایدی. بو خدمتکار پطرسگه دیدی : ”سینی باغده او بیلن کوْرمهدیم می؟“ ۲۷پطرس ینه انکار قیلدی. او شه پیتده خوْراز قیچقیردی.
۲۸یهودییلر عیسینی قیافا حضوریدن آلیب، والی پیلاطسنینگ* سراییگه آلیب باردیلر. تانگ آتدی. اوْزلرینینگ نجس بولمهییشلری* اوچون و فصح طعامینی یییبیشلری اوچون حکومت سراییگه کیرمهدیلر. ۲۹شو سببلی پیلاطس تشقریگه، اولرنینگ آلدیگه چیقدی. ”بو آدمنی نیمه جرم بیلن عیبلهیهپسیزلر؟“ دیب سوْرهدی. ۳۰”اگر او جنایتچی بوْلمهگنده، اونی سیزنینگ قوْلینگیزگه تاپشیرمهس ایدیک“ دیب جواب بیردی اولر. ۳۱پیلاطس : ”اونی آلیب کیتینگ. اوْز شریعتینگیز یبلن محاکمه قیلینگلر“ دیدی. یهودییلر اونگه : ”بیزگه هیچ کیمنینگ اعدام قیلیشی اجازه بیریلمهگن“ دیدیلر. ۳۲بو شکیلده عیسی اوْزینینگ قندی اوْلیشی حقیده اَیتگن سوْزلرینینگ ییریگه کیلیشی اوچون، * بو واقعه صورت تاپدی. ۳۳شونده پیلاطس ینه سرایگه کیردی و عیسینی چقیریب : ”سین یهودییلرنینگ پادشاهسیمیسن؟“ دیب سوْرهدی. ۳۴عیسی ”اوْزینگیز سوْرهیهپسیزمی، یا که باشقهلر سیزگه مینی حقیمده اَیتگن می؟“ دیب سوْرهدی. ۳۵پیلاطس : ”مین یهودییمن می؟ اوْز خلقینگ، باش کاهنلرینگ سینی مینگه تاپشیردی. سین نیمه ایش قیلدینگ؟“ دیدی. ۳۶عیسی جواب بیردی : ”مینینگ پادشاهلیگیم بو دنیادن ایمهس. پادشاهلیگیم بو دنیادن بوْلگنده، یهودییلرنینگ قوْلیگه توشمهسلیگیم اوچون مینینگ خدمتکارلریم جنگ قیلهردیلر. لیکن مینینگ پادشاهلیگیم بو دنیادن ایمهس.“ ۳۷”دیمک، سین پادشاه ایکنسن ده؟“ دیدی پیلاطس. عیسی : ”پادشاه ایکنیمنی اوْزینگیز اَیتهیپسیز؟ مین شونینگ اوچون توغیلگنمن، حقیقتگه شهادت بیریش اوچون عالمگه کیلدیم. حقیقت طرفیده بوْلگن هر بیر کیشی مینی سیسیمگه قولاق سالهدی. ۳۸پیلاطس : ”حقیقت نیمه؟“ دیب سوْرهدی. شوندی دیب ینه تشقریگه، یهودییلرنینگ آلدیگه چیقدی. پیلاطس : ”مین اونی محکوم قیلیش اوچون هیچ قندی عیب تاپمَدیم“ دیدی. ۳۹”سیزلرنینگ بیر عادتینگیز بارکو، هر فصح بیرهمیده سیزلر اوچون بیر زندانینی آزاد قیلهردیم. شونگه کوْره، سیزلر اوچون یهودییلرنینگ پادشاهسینی آزاد قیلیشیمنی خواهلهیسیزلرمی؟“ ۴۰”اونی ایمهس، باراباسنی آزاد قیلینگ!“ دیب بقیردی اولر. لیکن باراباس اوغری* ایدی.
۱کییین پیلاطس* عیسینی آلیب قمچیلهییشنی بویوردی. ۲عسکرلر، تیکاندن تاج اوْریب، عیسینینگ باشیگه قوْیدیلر، اوستیگه بنفشه توْون کییدیردیلر. ۳عیسینینگ آلدیگه کیلیب : ”سلام، ای یهودییلرنینگ پادشاهسی!“ دیب، اونی شپّاتلهدیلر. ۴پیلاطس ینه تشقریگه چیقیب، یهودییلرگه : ”منه، اونی آلدینگیزگه چیقهرهمن. بیلیب قوْینگلر، مین اونی محکوم قیلیش اوچون هیچ قندی عیب تاپالمدیم“ دیدی. ۵کیین عیسی باشیده تیکانلی تاج، اوستیده بنفشه توْن بیلن تشقریگه چیقدی. پیلاطس اولرگه : ”منه، او آدم“ دیدی. ۶باش کاهنلر و معبد مامورلری عیسینی کوْرگنلریده، بقیریب : ”صلیبگه میخلهنسین! صلیبگه میخلهنسین“ دیدیلر. پیلاطس اولرگه : ”اونی سیزلر آلیب صلیبگه میخلهنگلر! مین اونی محکوم قیلیش اوچون هیچ قندی عیب تاپالمدیم“ دیدی. ۷یهودییلر اونگه جواباً : ”بیزده شریعت بار. شریعتیمیزگه کوْره اونینگ اوْلیشی کِرک، چونکی او اوْزینی خدانینگ اوْغلی دیب ادعا قیلهدی.“ ۸پیلاطس بونی ایشیتگَنیده، کوپراق قورقتدی. ۹ینه حکومت سراییگه کیریب، عیسیدن : ”سین قییردن کیلگن سن؟“ دیب سوْرهدی. عیسی اونگه جواب بیرمهدی. ۱۰پیلاطس : ”مینگه جواب بیرمهیسنمی؟! سینی آزاد قیلیشگه یا که صلیبگه میخلشگه مینینگ قدرتیم بارلیگینی بیلمهیسنمی؟“ دیدی. ۱۱عیسی جواب بیردی : ”اگر یوقاریدن بیریلگن بولمهسهایدی منی اوستیمگه هیچ قندی قدرتگه ایگه بولمهس ایدینگیز. شو سببدن مینی سیزنینگ قوْلینگیزگه توتیب بیرگن آدمنینگ گناهسی سیزنینگ گناهنگیزدن کتتهراق.“ ۱۲شوندن کییین پیلاطس عیسینی آزاد قیلیشگه تلاش قیلدی. اما یهودییلر شوندی دیب قیچقیردی : ”اگر اونی آزاد قیلسنگیز، سیز قیصرنینگ* دوْستی ایمهسسیز. اوْزینی پادشاه دیب ادعا قیلگن هر بیر کیشی قیصرگه قرشی چیققن بوْلهدی“ دیدیلر. ۱۳پیلاطس بو سوْزنی ایشیتگَنیده، عیسینی تشقریگه آلیب چیقدی و تاش سوپهسی دیب (عبرانیچه نامی جَبّاتا) نام آلگن ییردهگی، حکم کورسیسیگه اوْتیردی. ۱۴اوْشه کونی فصح بیرهمی* عرفهسی، توش پیتی * ایدی. پیلاطس یهودییلرگه قرهب : ”منه، پادشاهنگیز!“ دیدی. ۱۵اولر ”نابود قیلینگ اونی، نابود قیلینگ اونی! صلیبگه میخلهنگ“ دیب بقیردیلر. پیلاطس : ”سیزنینگ پادشاهنگیزنی صلیبگه میخلهییمی؟“ دیب سوْرهدی. باش کاهنلر : ”قیصردن باشقه پادشاهمیز یوْق“ دیب جواب بیردی. ۱۶نهایت پیلاطس عیسینی صلیبگه میخلهییش اوچون عسکرلرگه تاپشیردی.