۳۲عیسی بیلن بیرگه ایککی جنایتکار آدمنی، اوْلدیریش اوچون آلیب کیتهیاتگن ایدیلر. ۳۳”باش سویهگی“ دیگن جایگه ییتیب کیلگنلریده، عیسینی ایککی جنایتکار بیلن صلیبگه میخلهدیلر. اولرنینگ بیری عیسینینگ راست تامانیده، باشقه او بیری چپ تامانیده ایدی. ۳۴عیسی : ”ای آته! اولرنی کیچیرگین، اولر نیمه قیلهیاتگنینی بیلمهیدیلر“ دیدی. اوْشهنده عیسینینگ کیییملرینی بوْلیب آلیشلری اوچون* قرعه تشلهدیلر. ۳۵خلق تماشا قیلیب تورگن ایدی و خلقنینگ کتتهکانلری مسخره قیلیب ایتهردی : ”او باشقهلرنی نجات بیردی! اگر او مسیح، یعنی خدانینگ انتخاب قیلگن کیشیسی، بوْلسه، ایندی اوْزینی نجات بیرسین!“
۳۶عسکرلر هم عیسینی مسخره قیلدیلر، عیسیگه یقینلهشیب تُروش شراب * بیریب ۳۷ایتهردیلر : ”اگر سین یهودییلرنینگ پادشاهسی بوْلسنگ، اوْزینگنی نجات بیر!“
۳۸عیسینینگ باشینی اوستیده، ”بو یهودییلرنینگ پادشاهسی دیر“ دیگن یازوو بار ایدی*.
۳۹صلیبگه میخلهنگن اوْشه ایککی جنایتکارلردن بیری عیسیگه حقارت قیلیب ایتهردی : ”سین مسیح ایمس میسن؟ اوْشهنده، اوْزینگنی هم، بیزنی نجات بیر!“
۴۰لیکن باشقه او بیری اونی سرزنش قیلیب : ”خدادن قوْرقمهیسنمی؟! اوْزینگ هم شو جزاگه محکوم بوْلگنسن! ۴۱بیزگه بیریلگن جزا حق، چونکی قیلگن عمللریمیزنینگ نتیجهسی بو. لیکن بو کشینینگ هیچ بیر تقصیری یوق“ دیدی.
۴۲کییین دیدی : ”ای عیسی* پادشاه بوْلگنینگیزده مینی ایسلهنگ!“ ۴۳عیسی اونگه دیدی : ”سینگه توغریسینی اَیتهی، بو کون سین، مین بیلن بیرگه جنتده بوْلهسن.“
۴۴تقریباً ساعت اوْن ایککی توش پیتی* ایدی. بوتون یورتنی قارانکیلک باستدی. توشدن سوْنگ ساعت اوچگهچه* بو دوام ایتدی. ۴۵آفتاب نور بیریشدن توتیلدی، معبددهگی پرده* اوْرتهسیدن ایککیگه ایریلدی. ۴۶عیسی بلند آواز بیلن فریاد قیلیب : ”ای آته! ”روحیمنی سیننینگ قوْللرینگگه تاپشیرهمن“*“ دیب آخرین نفسینی بیردی. ۴۷واقعهنی کوْریب تورگن یوزباشی خدانی جلال بیریب : ”حقیقتاً هم، بو آدم بیگناه ایدی“ دیدی.
۴۸تاماشهگه ییغیلگن خلق هم یوز بیرگن واقعهلرنی کوْریب، بغریلریگه اوره اوره اوْشه ییرنی ترک قیلدیلر. ۴۹عیسینی همّه تانیشلری و جلیلدن اونگه ایرگهشیب کیلگن عیاللر اوزاقده توریب یوز بیرگن واقعهلرنی تماشا قیلدیلر.
۵۰اوْشه ییرده یوسف اسملی یخشی و صالح بیر کیشی بار ایدی. اگرچه او شورانینگ اعضالریدن بیری ایدی، ۵۱یوسف شورانینگ راییگه و قراریگه راضی ایمس ایدی. او یهودیهدهگی رامه شهرینینک خلقیدن* ایدی. اشتیاق بیلن خدانینگ شاهلیگیگه منتظر ایدی. ۵۲او پیلاطسنینگ آلدیگه باریب، عیسینینگ جسدینی تیلهدی. ۵۳یوسف جسدنی صلیبدن توشیریب آلدی. کتانگه باغلهب تاشدن تراش بوْلگن حاضرگهچه هیچ کیم قوییلمهگن بیر قبرگه قوْیدی. ۵۴اوْشه کون حاضرلیک کونی بوْلیب سَبَتنینک باشلهنیشیگه آز زمان قالگن ایدی*. ۵۵جلیل شهریدن عیسی بیلن بیرگه کیلگن عیاللر یوسفنینگ آرقهسیدن ایرگهشیب باردیلر. اولر قبرنی و عیسینینگ جسدینی قندهی دفن قیلینگنینی کوْردیلر. ۵۶اولر اویلریگه قیتیب باریب، خوشبوْلر و عطرلر تیارلهدیلر. شریعتده بویوریلگندهک شبات کونی، دم آلدیلر.