۱ایرتهنینگ وقت ساعتی هفتهنینگ بیرینچی کونیده عیاللر تیارلهب قوْیگن خوشبوْلرینی آلیب، قبرگه کیلدیلر. ۲قبر آغزیدهگی تاشنینگ یانگه سوردیریلگهنینی کوْردیلر. ۳قبرنینگ ایچیگه کیردیلر، اما پروردگاریمیز عیسینینگ جسدینی تاپهلمهدیلر. ۴اولر بو حادثهدن حیرت قیلیب توختهگنلریده بیردن ایککی نورانی کیییملری بوْلگن آدم، اولرنینگ یانیگه کوریندی.* ۵عیاللر قورقودن باشلرینی ییرگه ایگیب توردی. لیکن آدملر، عیاللرگه شوندی دیدی : ”نیمه اوچون سیز تیریکنی اوْلیکلر آرهسیده آخترهیهپسیزلر؟ ۶او بو ییرده یوْق، او تیریلدی! جلیلده بوْلگن پیتیده سیزلرگه نیمه دیگنینی ایسلهنگلر. ۷او سیزگه : ”انسان اوْغلی گناهکار آدملرنی قوْلیگه تسلیم بیریلیب٬ صلیبگه میخلهنیشی، اوچینچی کونی ایسه تیریلیشی کِرک“ دیگن ایدی*. ۸اوْشهنده عیاللر عیسینینگ سوْزلرینی ایسلهدیلر.
۹اولر قبرنینگ یانیدن قیتگنلریده، بو واقعهنی همّهسینی اوْن بیر شاگردلرگه و باشقهلرگه اَیتیب بیردیلر. ۱۰حواریلرگه بو خبرنی، مَجدَلیّهلیک* مریم، یوآنّا و یعقوبنینگ آنهسی مریم ییتکهزدی. اولر بیلن بیرگه باشقه عیاللر هم بار ایدی. ۱۱اما حواریلر، عیاللرنینگ سوزلرینی ساچمهلیک دیب اویلهدی و اولرنینگ گپلریگه ایشانمهدیلر. ۱۲لیکن پطرس جاییدن توریب، قبر تامانیگه چاپدی و خم بوْلیب قرهگَنیده کفندن باشقه بیر نِرسه کوْرمهدی. یوز بیرگن واقعهگه حیران بوْلیب اوییگه قیتیب کیلدی.
۱۳اوْشه کونی عیسینینگ شاگردلریدن ایککیتهسی عِمائوس دیگن قشلاققه کیتهیاتگن ایدی. بو قشلاق اورشلیم شهریدن ۱۱ کیلو متر* اوزاقلیکده ایدی. ۱۴اولر یوز بیرگن واقعهلر توغریسیده بیر بیریلری بیلن صحبت قیلیشهردی. ۱۵شوندی که اولر صحبت و جر و بحثگه قیزیشگهنده، عیسی اوْزی اولرنینگ یانیگه کیلیب اولر بیلن بیرگه بوْلدی. ۱۶لیکن اونی تانیمهدیلر چونکی اولرنینگ کوزلری اونی تانیشدن آلیب قوییلگن ایدی. ۱۷عیسی اولردن : ”یولده نیمهنی بارهسیگه کپلهشهپسیزلر؟“ دیب سوْرهدی. ساکن توْختهب قالدیلر. اولرنینگ یوزلریدن غمگین و ناراحت بوْلگن لیکلری بیللی ایدی.* ۱۸اوْشهنده اولردن بیری کلِئوپاس اسیملی، اونگه جواب بیردی : ”شو کونلرده اورشلیم شهریده یوز بیرگن واقعهلردن بیخبر بوْلگن یگانه کیشی سیز بولسنگیز کِرک!؟ ۱۹عیسی اولردن : ”قندهی واقعهلر؟“ دیب سوْردی. اولر”ناصرهلیک عیسیگه بوْلگن نِرسهلر توغریسیده. عیسی خدانینگ آلدیده و بوتون خلقنینگ آلدیده کوپ قدرتلی سوْزلری و ایشلری بوْلگن پیغمبر ایدی. ۲۰اما باش کاهنلریمیز و کتته کانلریمیز اونی تسلیم بیردیلر تا که اوْلیمگه محکوم بوْلسین و صلیب گه میخلهدیلر. ۲۱لیکن بیزنینگ امیدیمیز بار ایدی که عیسی باید اسرائیلنی نجات بیرهدیگن اوْشه کیشی بوْلسه. اوستیگه اوستهک، توغریسی بو حادثهننیگ حاضر اوچینچی کونی که یوز بیردی. ۲۲آرهمیزدهگی بعضی عیاللر بیزنی حیرتگه توشیردی. اولر بو کون سحر وقتی قبرگه بارگن ایکنلر، ۲۳اونینگ جسدینی تاپه آلمهدیلر. اولر کیین کیلیب، بیزلرگه، ملائیکهلرنینگ کورگنلرینی و عیسینینگ تیریک بولگنینی اولرگه ایتکَنینی اَیتیبدی. ۲۴بعضی دوستلریمیز قبرگه کیتدیلر، عیاللرنینگ ایتگَنیدهی بولگهنینی کوْردیلر، لیکن اونی کورمهدیلر.“ دیدی.
۲۵عیسی اولرگه اَیتدی : ”ای عقلسیزلر! پیغمبرلرنینگ ایتکهنینی قبول قیلیش اوچون کیچ ایشانهدیگن یورگینگیز بار. ۲۶اخیر، مسیحنینگ بو دردلرنی کوْریشی و کیین جلال تاپیشی کِرک ایمس میدی؟“ ۲۷کییین عیسی، موسی و برچه پیغمبرلردن باشلهب بوتون مقدس کتابده اوْز حقیده اَیتیلگن همّه نِرسهنی اولرگه تشریح قیلدی. ۲۸اولر بارهیاتگن قشلاققه یقینلهشگَنیده، عیسی اوزینی اوزاقراققه کیتهیاتکن دهک کورسهتدی. ۲۹لیکن اولر عیسیگه اصرار قیلیب اَیتدیلر : ”بیز بیلن بیرگه قالینگ، چونکی کوننینیگ باتیشیگه آز قالدی و کیچه یقین.“ عیسی اولر بیلن بیرگه قالگنی ایچکهریگه کیردی. ۳۰اولر بیلن بیرگه دسترخوانگه اوْتیرگَنیده، ناننی آلیب شکر قیلدی و سیندیریب اولرگه بیردی. ۳۱اوْشه پیتده اولرنینگ کوْزلری آچیلدی و عیسینی تانیدیلر. لیکن عیسی بیردن اولرنی آلدیدن غائب بوْلدی.
۳۲شاگردلر بیر بیریدن سوْرهدیلر : ”او یوْلده بیز بیلن گپلهشگَنیده، مقدس کتابلرنی بیزلرگه تفسیر قیلگَنیده، یورهکلریمیز ایچیمیزگه حرکت قیلمهیمیدی؟!
۳۳اوْشه زهاتی جایلریدن توریب، اورشلیم شهریگه قیتدیلر. اوْشه ییرده اوْن بیر حوارینی کوْردیلر که اورتاقلری بیلن جمع بوْلیب، ۳۴ایتهردیلر : ”پروردگار حقیقتاً تیریلیبدی! چونکی او شَمعونگه کوْرینیبتدی.“ ۳۵کیین اوْشه ایککی کیشی هم یوْلده نیمه واقعهلرنی یوز بیرگهنینی، عیسینی ناننی سیندیرهیاتگَنیده قندهی تانیگنلرینی اَیتدیلر.