۳۶اولر حالی هم بو توغریده گپلهشهیدیلر که عیسی اوْزی، اولرنینگ اوْرتهسیگه ظاهر بوْلیب : ”سیزلرگه تینچلیک بوْلسین“ دیدی.
۳۷شاگردلر حیران بوْلیب قورقدیلر. ارواح کوْریهپمیز، دیب اوْیلهدیلر. ۳۸لیکن عیسی اولرگه : ”نیمه اوچون خواطردهسیز؟ نیمه اوچون یورهگینگیزده مونچه شک و گمانگه یوْل بیرهسیزلر؟ ۳۹قوْللریمگه و آیاقلریمگه قرهنگلر. اوْزیممن! مینی اوشلهب کوْرینگلر. ارواحنینگ اِتی و سویهگی بوْلمهیدی، اما کورهیهپسیزلر خو، مینینکی بار“ دیدی.
۴۰عیسی شو گپلرنی اَیتیب، اولرگه قوْل آیاقلرینی کوْرسهتدی. ۴۱شاگردلری کوپ سیوینچدن و تعجبدن ایشانهمهدیلر. کییین اولرگه اَیتدی : ”یییهدیگن بیران نِرسهنگیز بارمی؟“ ۴۲شاگردلری اونگه بیر پارچه قاووریلگن بلیق* بیردیلر. ۴۳عیسی بونی آلیب، اولرنینگ کوْزلری آلدیده ییدی.
۴۴کییین عیسی شاگردلریگه : ”بو اوْشه نِرسه دیر که سیزلر بیلن بیرگه بوْلگن پیتلریمده، موسینینگ توراتیده، پیغمبرلرنینگ کتابلریده و مزمورده*، مینی حققیمده یازیلگنلرنی همّهسینی عملگه آشیریلیشی کِرک“ دیب اَیتکن ایدیم.
۴۵سوْنگره عیسی، مقدس کتابنی بیلیشلری اوچون اولرنی توشینتیردی. ۴۶و اولرگه : ”مسیح عذاب چیکیهدی و اوچینچی کونی اوْلیکلردن تیریلهدی، دیب یازیلگن، ۴۷همّه خلقلرگه اونینگ آتی بیلن توبه قیلیش و گناهلرنینگ بخشش بوْلیشی تبلیغ قیلینهدی و بونینگ باشلهنیشی اورشلیم شهریدن بولهدی. ۴۸سیزلر بو نِرسهلرنی شاهدلری سیزلر. ۴۹مین سیزلرگه آتهمنینک وعدهسینی یوبارهمن.* شونینگ اوچون یوقاریدن کیلکن قدرت بیلن زینتلهنمهگهن مدتچه شهرده قالینگ*لر“ دیدی.
۵۰شوندن کییین عیسی شاگردلرینی شهردن تشقهریگه، بِیتعَنْیا* یقینیگه آلیب باردی. عیسی قوْللرینی کوْتهریب، اولرگه برکت بیردی. ۵۱برکت بیرهدیگن پیتده اولردن ایریلیب آسمانگه آلیندی.
۵۲شاگردلر اونگه عبادت قیلدیلر و کتته سیوینچ بیلن اورشلیمگه قیتیب باردیلر. ۵۳اوْشه ییرده اولر همیشه معبدده بوْلیب، خداگه ثنا اَیتیب شکر قیلهردیلر.