۱فریسی و یهودیی آق سقاللریدن نیقودئموس اسملی بیر آدم بار ایدی. ۲بو آدم بیر کیچه عیسینینگ آلدیگه کیلیب، اونگه : ”استاذ، سیز خدادن کیلگن بیر معلم بولگنیزنی بیز بیلهمیز. اگر خدا اونینگ بیلن بولمسه هیچ کیم سیزنینگ قیلهدیگن معجزه لی علامتلرینگیزنی قیلهآلمس“ دیدی. ۳عیسی اونگه شوندی جواب بیردی : ”سیزگه توغریسینی اَیتهی : قیتهدن* توغیلمهگن کیشی خدانینگ شاهلیگینی کوْرالمهیدی.“ ۴نیقودئموس ”یاشلی کیشیلر قندی توغیلهدی؟! آنهسینینگ قارنیگه قیتهدن کیریب، ینه توغیله آلمهید خو“ دیدی. ۵عیسی شوندی جواب بیردی : ”سیزگه توغریسینی اَیتهی، سوودن و روحدن توغیلمهگن کیشی خدانینگ شاهلیگیگه کیرآلمهیدی. ۶جسمدن توغیلگن جسم دیر، لیکن روحدن توغیلگن روحانی دیر. ۷”سیزلر ”قیتهدن توغیلیشینگیز کِرک“ دیگنیمگه تعجب قیلمنگ. ۸شمال ایستهگن جایده ایسهویرهدی، اونینگ سیسینی ایشیتهسیز، لیکن قیسی تاماندن کیلیب، قیسی تامانگه کیتیشینی بیلمهیسیز. روحدن توغیلگن هر بیر کیشی هم شوندی بوْلهدی.“ ۹نیقودئموس ”بونینگ بوْلیشی قندی ممکن؟“ دیب سوْرهدی. ۱۰عیسی اونگه شوندی جواب بیردی : ”سیز اسرائیلنینگ استادی سیز! قندی بو نِرسهلرنی بیلمهیسیز؟! ۱۱سیزگه توغریسینی اَیتهی : بیز بیلگنیمیز حقیده گپلهشهمیز، کوْرگنیمیز حقیده شهادت بیرهمیز. لیکن سیزلر بیزنینگ شهادتیمیزنی قبول قیلمیهپسیزلر. ۱۲اگر سیزلر ییردهگی نِرسهلر حقیده اَیتگنلریمگه ایشانمهسنگیزلر، سماوی نِرسهلر توغریسیده سوزلریمگه قندی ایشانهسیزلر؟ ۱۳آسماندن اینگن انسان اوْغلیدن* باشقه هیچ کیم آسمانگه چیققن ایمهس. ۱۴موسی صحراده ایلاننی قندی یوقاریگه کوْتهرگن بوْلسه، انسان اوْغلینینگ هم، خودی شوندی یوقاریگه کوْتهریلیشی کِرک*. ۱۵شوندی که ایمانگه کیلگن هر بیر کیشی او آرقهلی ابدی حیاتگه ایگه بوْلهدی*.
۱۶چونکه *، خدا عالمنی شونچهلیک* سیودی که، اوْزینینگ یگانه اوْغلینی بیردی. تاکه اونگه ایشانگنلردن بیرانتهسی هلاک بوْلمهسین، بلکه ابدی حیاتگه ایگه بوْلسین. ۱۷خدا دنیانی محکوم قیلیش اوچون ایمهس، بلکه اوْغلی آرقهلی نجات بیریش اوچون اونی دنیاگه یوباردی. ۱۸اونگه ایشانگن انسان محکوم قیلینمهیدی. اونگه ایشانمهگن انسان ایسه ذاتاً محکوم بوْلگن، چونکی او خدانینگ یگانه اوْغلیگه ایشانمهدی.
۱۹حکم شو دور، دنیاگه نور کیلدی، اما انسانلر نوردن کوپراق ظلمتنی یخشی کوْردیلر، چونکی اولرنینگ عمللری یرهمس ایدی. ۲۰یرهمس عمل قیلگن انسان نوردن نفرت قیلهدی. عملری عیان بوْلیب رسوا بولمهسلیگی اوچون او نوردن قاچهدی. ۲۱اما حقیقتگه عمل قیلگن کیشیلر بوْلسه نورگه کیلهدی. اوشنده اونینگ عمللری خدانینگ یاردمی بیلن قیلینگنی، آشکار بولهدی.
۱۳تار ایشیکدن کیرینگلر! چونکی کینگ ایشیکلر و کینگ یوللر هلاکتگه آلیب بارهدی و اونگه کیرهدیگن کوپ. ۱۴تار بوْلگن اوْشه ایشیک و قیینت بوْلگن اوْشه یوْل، حقیقی حیاتگه آلیب بارهدی، بونی تاپهدیگنلر آزدیر.