۳۰سارای عقیم بوْلیب، بالهسی یوْق ایدی.
۳۱تارَح، کنعان یورتیگه کیتیش اوچون اوْغلی اَبرامنی، هاراننینگ اوْغلی نیبهرهسی بوْلگن لوطنی، اَبرامنینگ خاتینی کیلینی بوْلگن ساراینی آلیب همّهسی کلدانیدهگی اور شهریدن چیقتدیلر. لیکن حَران شهریگه* کیلگنلریده، اوْشه ییرده سکونت قیلدیلر. ۳۲تارَح ۲۰۵ یاشیده ایدی حَرانده وفات قیلدی.
۱یهوه اَبرامگه اَیتگن ایدی : ”اوْز یورتینگدن، قرینداشلرینگنی الدیدن، آتهنگنی اوییدن چیق و مین سینگه یورت کورسهتهمن. اوْشه ییرگه کیت. ۲سیندن کتته بیر خلقنی یرهتهمن. سینگه برکت بیرهمن. سینی آتیتگنی مشهور قیلهمن و سین برکتگه سبب بولهسن. ۳سینگه برکت بیرگن کیشیلرنی برکتلهیمن. سینگه لعنت قیلگن کیشیلرنی لعنتلهیمن. سین اوچون ییر یوزیدهگی همّه طائیفهلر برکت تاپهدی.“ ۴یهوهنینگ امر قیلگنیدهی، اَبرام یولگه حرکت قیلدی؛ لوط هم اَبرام بیلن بیرگه کیتدی. اَبرام حَراندن چیقگَنیده، ییتمیش بیش یاشده ایدی. ۵اَبرام خاتینی ساراینی، برادرزادهسی لوطنی، بوتون جمع قیلگن مال داراییسینی و حَرانده قولگه کیلتیرگن آدملرینی آلیب، کنعان یورتینی مقصدلهب یوْلگه توشدی. اولر کنعانگه کیلیشدی. ۶اَبرام بو یورتده، شِکیمده* بوْلگن موره درختینینگ* منطقهسیگهچه باردی. اوْشه پیتلرده کنعانلیلراوشه یورتده بارایدیلر. ۷اوشنده یهوه اَبرامگه کورینیب : ”منه شو یورتنی سیننینگ نسلینگه بخشیش قیلهمن“ دیدی. اَبرام اوْشه ییرده، یهوه اوچون، که اونگه ظاهر بوْلگن ایدی، قربانگاه توزهتدی. ۸شوندن سوْنگ اَبرام بِیتئیلنینگ شرقیدهگی بوْلگن تپپهلرگه کوچ قیلیب خیمهسینی قوردی. شوندی که اونینگ غرب تمانیده بِیتئیل* و شرق تمانیده عای شهری بارایدی. اوْشه ییرده او قربانگاه توزهتیب، یهونینگ آتیگه عبادت قیلدی. ۹کیین اَبرام بیر منطقهدن باشقه منطقهگه کوچ قیلیب نیگیب* چولیگه کیتدی.
۱بو واقعهلردن سوْنگ، یهوهنینگ کلامی اَبرامگه وحی بوْلیب اَیتدی : ”ای ابرم قوْرقمه. مین سینگه سِپرمن. سینگه بیرهدیگن اجریم جوده هم بویوک بوْلهدی.
۲لیکن ابرم : ”ای پروردگاریم یهوه! ایندی سین مینگه نیمه بیره سن-او؟ مین بیاولاد من، مال-ملکیمنی وارثی العازر دمشقی. ۳ایندی سین مینگه سوی بیرمهدینگ. شونینگ اوچون خذمتچیلریمدن بیری مینینگ وارثیم بوْلهدی.“
۴اوْشه زهاتی یهوهنینگ کلامی اونگه کیلدی و اَیتدی : ”بو آدم سینیگ میراثخورینگ بولمهیدی، بلکه سینی ذرریتینگدن کیلهدیگن سینی میراثخورینگ بولهدی.“
۵او اَبرامنی تشقهریگه چیقهریب، اونگه اَیتدی : ”آسمانگه قره و یولدوزلرنی سنه، اگر اولرنی سنهی آلسنگ.“ اوشنده ینه ابرمگه اَیتدی : ”سینی نسلینگ هم شوندی بولهدی.“
۶اَبرام یهوهگه ایشاندی، یهوه بونی اونینگ اوچون عدالت حساب قیلدی.