۱شو واقعهلردن بیر مدت کییین خدا ابراهیمنی سینهب اونگه ایتی : ”ای ابراهیم!“ ”لببهی!“ دیب جواب بیردی ابراهیم.
۲”یخشی کورهدیگن، یگانه اوْغلینگ اسحاقنی آلیب، موریا منطقهسیگه* بار. اونی، اوْشه ییرده، مینینگ ایتکن تاغلرنینگ بیریسیده، بوتون کویدیریلهیتکن قربانلیک قیل.
۳کیین، ایرتهسی کونی سحرده، ابراهیم توریب، ایشهگینی حاضر قیلدی. ایککی خذمتکارینی و اوغلینی آلدی. کویدیریلهدیگن قربانلیک اوچون اوتین آماده قیلدی و خدانینگ اَیتگن ییرییگه قهرب جوْنهدی. ۴اوچینچی کون ابراهیم باشینی کوتهریب قرهگهنیده اوزاقدن اوْشه جاینی کوْردی. ۵ابراهیم اوشنده خدمتکارلریگه دیدی : ”سیزلر شو ییرده ایشهکنینگ یانیده قالینگلر. من اوْغلیم بیلن انه اوْشه ییرگه بارهمیز. عبادت قیلیب، سیزلرنینگ یانلرینگیزگه قیتیب کیلهمیز“ دیدی.
۶ابراهیم کویدیریلهدیگن قربانلیکنینگ اوْتینینی آلیب، اوْغلی اسحاقنینگ شانهسیگه قوْیدی. اوْزی بیچاق بیلن الوونی آلیب ایککاولری بیرگه کیتیشدی.
۷لیکن اسحاق آتهسیگه : ”آته جان!“ دیدی. ”لببهی اوْغلیم“ دیب جواب بیردی ابراهیم. اسحاق : ”الوو بیلن اوْتین بار-او، لیکن قربانلیک قیلیب کویدیریلهدیگن قوْزی قییرده؟“ دیب سوْرهدی.
۸”قربانلیک بوْلیب کویدیریلهدیگن قوْزینی خدانینگ اوْزی آماده قیلهدی، اوْغلیم“ دیب جواب بیردی ابراهیم. کیین، ایککاولری بیرگه کیتیشدی.
۹خدانینگ اَیتگن ییرگه باردیلر. اوْشه ییرده بیر قربانگاه توزهتیب اوتیننی او ییرده حاضر قیلدی. اوْغلی اسحاقنی باغلهب قربانگاهگه اوتیننینگ اوستیگه یاتقیزدی. ۱۰ابراهیم قولینی اوزهتیب اوْغلینی سویش اوچون بیچاقنی آلدی. ۱۱لیکن آسماندن خدانینگ ملائیکهسی چقیردی : ”ابراهیم! ابراهیم!“ ”لببهی!“ دیب جواب بیردی ابراهیم. ۱۲ملائیکه : «اوغلینگگه قوْل کوترمه و اونگه هیچ نِرسه قیلمه. حاضر بیلهمن خدادن قورقهسن، چونکی اوغلینگنی، اووه، یگانه اوغلیینگنی مندن ایهمهدینگ» دیدی.
۱۳ابراهیم باشینی کوْتهردی و آرقه تمانیده بیر قوچقارنی کوْردی که شاخی بوتتهگه اورهلیب توریبتی. ابراهیم قوچقارنی باریب آلدی و اوغلینینگ اورنیگه، کویدیریلهدیگن قربانلیک قیلدی. ۱۴شونینگ اوچون ابراهیم بو جایگه ”یهوه آماده قیلهدی“* دیب آت بیردی. حاضر هم ”یهوه، تاغیده آماده قیلهدی“* بو آت بیلن ایتیلهدی.
۱۵–۱۶یهوهنینگ ملائیکهسی آسماندن ابراهیمنی ایکینیچی مرته چقیریب اَیتدی : ”یهوه دیدی که : اوْز ذاتیمگه قسم یاد قیلهمن. میندن اطاعت قیلدینگ، یگانه اوْغلینگنی میندن ایهمهدینگ ۱۷شونینگ اوچون سینگه حتما برکت بیرهمن. نسلینگنی آسماندهگی یولدوزلردهک، ساحلدهگی قومدهک کوْپهیتیرهمن. نسلینگ دشمنلرینینگ دروازهلرینی ایگهلهیدیلر. ۱۸سینی نسلینگ آرقهلی همّه ملتلر برکت تاپهدی چونکه سین مینینگ سیسیمگه قولاق بیردینگ.“