۱مصرده یهوه موسی بیلن هارونگه اَیتدی :
۲”بو آی سیزلر اوچون آیلرنی باشی و ییلنینگ بیرینچی آیی بوْلسین. ۳اسراییل خلقینینگ بوتون جامعهسیگه اَیتینگلر : بو آینینگ اونینچی کونیده هر ایرکهک، عایلهسی اوچون بیر قربانلیک آلسین. هر بیر عایله اوچون بیر قربانلیک بوْلسین. ۴اگر عایله اعضالری بیر قربانلیک اوچون آز بولسه، قوززینی٬ یانیدهکی همسایهسی بیلن تقسیم قیلسین. یییهدیگن کیشیلرنینگ تعدادی اویلهنیب قربانلیک آلینسین. ۵قربانلیگیز بیعیب٬ بیر یشر و نر بوْلسین. اونی قویلردن یا ایچکیلردن آلینگ. ۶آینینگ اوْن تورتینچی کونیگهچه اونی باقینگلر. آقشم اوستی بوتون اسرائیل جماعتیی قربانلیکلرینی سویسینلر. ۷کیین بیر مقدار قاننی آلیب قوززینینگ گوشتینی ییلهدیگن اوینینگ دروازهسینینگ ایکی تمانیده و اوست تمانیده سورتسینلر. ۸قربانلیک گوشتنی اوْشه کیچه الوگه کباب قیلیب فطیر و اچچیغ سبزهلر بیلن یسینلر. ۹قربانلیک گوشتینی خام و یا سوگه پیشیریب ییمنگلر. کله پاچهسی و ایچ اعضالری بیلن الوگه کباب قیلیب یینگلر. ۱۰قربانلیکتن هیچ بیر نِرسه ایرتهگه قالمهسین. اگر هم قالسه٬ قالگهنینی الوگه کویدیرینگلر. ۱۱او قربانلیک گوشتینی شو شکیلده یینگلر : بیلینگیزنی باغلهنگ٬ کفشلرینگیزنی ایاغینگیزگه کیینگ٬ عصا چوبیزنی قولینگیزگه آلینگ عجله بیلن ییینگ، چونکی بو یهوهنینگ فصحِی دیر.
۱۲اوْشه کیچه من مصر توپراقلریدن اوْتهمن. هم انسانلرنی هم ده حیوانلرنی بیرینچی توغیلگن بالهسینی اولدیرهمن و بوتون مصر خدالرینی مجازات قیلهمن. من یهوه من. ۱۳اوْشه قان٬ سیزلرنینگ اوتیرگن اویلرینگیزنی نشانهسی بولهدی. اوْشه قاننی کوْرگهنیمده سیزلردن اوتیب، فقط مصرلیلرنی هلاک قیلهمن. کیچکینهگینه بیر بلا هم سیزلرگه کیلمهیدی.“
۱۴”بو کون سیزلر اوچون خاطره کونی بوْلسین٬ بو کوننی یهوه اوچون بیرم قیلینگ. نسلدن نسلگه بو کوننی دایمی فریضه صفتیده تجلیل قیلینگ. ۱۵ییتتی کونگهچه فطیر یینگ٬ بیرینچی کوندن خمیر مایهنی اویلرینگیزدن چیقهرینگ. بیرینچی کوندن تا ییتتینچی کونگهچه هر کیم خمیر ترشلیک نان ییسه، اسرائیل خلقی آرهسیدن آتیلیشی کِرک. ۱۶بو بیرمنینگ بیرینچی هم ده ییتتینچی کونیده مقدس بیر محفل برگذار قیلینگ. بو کونلرده هیچ بیر قندی ایش قیلمنگلر. فقط غذالرینگیرنی تهیه قیلیش اوچون ایش قیلهآلهسیزلر، باشقه هیچ بیر ایش قیلهآلمهیسیزلر.
۱۷فطیر بیرمی یادلرینگیزده بوْلسین چونکی من بو کون سیزلرنینگ لشکرلرینگیزنی مصردن چیقهردیم. بو کوننی دایمی فریضه صفتیده نسلدن نسلگه تجلیل قیلینگلر. ۱۸بیرینچی آینینگ اوْن تورتیتنچی آقشمیدن ییگیرمه بیرینچی کونینیک آقشمیگهچه فطیر یینگلر. ۱۹اویلرینگیزگه ییتتی کونگهچه خمیر مایه بولمهسین. اگر بیری خمیر مایه بیلن بیر نِرسه ییسه٬ خارجی بوْلسین یا اسرائیللی٬ اسرائیل خلقی آرهسیدن آتیلیشی کِرک. ۲۰خمیر مایه بیلن تهیه بوْلگن هیچ بیر نِرسه ییمنگلر. قییرده یشهسنگیزلر هم فطیر یینگلر“.
۲۱شوندن کیین موسی بوتون اسرائیلنینگ آق سقاللرینی چقریب اولرگه اَیتدی : ”بارینگ عایلهنگیزنی تعدادینی اویلهب اوزینگیزگه قربانلیک آلینگ و فصح اوچون قربانلیک قیلینگلر.
۲۲کیین بیر دسته جارو بوته آلیب تاغارهنی ایچیده بوْلگن قانگه باتیریب اویینگیزنینگ ايشیگینینگ ایکی تمانیگه و اوستیگه سورتینگ. هیچ بیرینگیز ایرتهگهچه اویلریدن تشقریگه چیقمهسین. ۲۳یهوه مصرلیکلرنی یوق قیلیش اوچون اوتهیاتگَنیده اویلرینگیزنی دروازهسیننینگ ایکی تمانیده و اوستیده بوْلگن قاننی کورهدی و او اویدن اوْتهدی. هلاک قیلهدیگنگه، سیزنینگ اویینگیزگه کیریب سیزلرنی هلاک قیلیشیگه اجازه بیرمهیدی. ۲۴بو آییننی فریضه صفتیده سیزلر و اولادلرینگیز دائمی تجلیل قیلینگلر. ۲۵یهوه وعدهسینی بیرگن یورتگه بارگنینگیزده بو عبادتنی انجام بیرینگلر. ۲۶اولادلرینگیز سیزلردن بو مراسمنینگ معناسینی نیمه بوْلگن دیب سورهگنلریده؛ ۲۷”بو فصح قربانلیگی، مصرده بنی اسرائیلنینگ اویلرینی اوستیدن اوتگن یهوه اوچون دور. مصرلیلرنی هلاک قیلگهنیده بیزلرنی قوریب قوتقهزدی“ دیینگلر. کیین اسرائیل خلقی خم بوْلیب سجده قیلدیلر. ۲۸اسرائیل خلقی یهوهنینگ موسی و هارونگه بیرگن بویروقلرینی همّهسینی انجام بیردیلر.