۱کیین خدا بو سوزلرنی همّهسینی اَیتدی :
۲”من یهوه، سینی خدایینگ. مین سینی مصر اولکهسیدن٬ خذمتچی بوْلگن اویینگدن چیقهردیم.
۳”مندن باشقه خدالرینگ بولمهسین.
۴”هیچ قندی هیکل؛ یوقاری آسمانده بوْلگن نِرسهلرنی شکلیده، یا ییر یوزیده بوْلگن نِرسهلرنی شکلیده، یا ییر آلتی سولرنی ایچیده بوْلگن نِرسهلرنی شکلیده اوزینگ اوچون توزتمه. ۵اولرگه سجده قیلمه و اولرگه عبادت قیلمه؛ چونکی مین یهوه، سینی خدایینگ من٬ مین باغیرت خدا من. مین بیلن دشمنلیک قیلهدیگن آتهلرنینگ تقصیراتلرینینگ مجازاتینی، اولادلریدن، نیبرهلریدن و چیورهلریدن آلهمن. ۶لیکن منی یخشی کوریب امرلریمدن اطاعت قیلهدیگنلرنینگ، مینگ نسلیگهچه محبت قیلهمن.
۷یهوه خدایینگنی آتینی ناتوغری شکیلده آغزینگه آلمه، چونکی یهوه آتینی سو استعمال قیلگنلرنی بی جزا قویمهیدی.
۸شبات کونینی یادینگده توتیب مقدس بیلگینینگ. ۹آلتی کون ایشلهب، همّه ایشلرینگنی انجام بیر، ۱۰اما ییتتینچی کون، سینی خدایینگ، یهوهنینگ شبات کونی دیر. او کون نه اوزینگ٬ نه اوغلینگ٬ نه قیزینگ٬ نه غلامینگ، نه کنیزینگ٬ نه حیوانلرینگ و نه هم او شهردهگی خارجیلر، هیچ قندی ایش قیلمنگلر. ۱۱چونکی یهوه آلتی کونده آسماننی زمیننی و دریانی اولرنینگ ایچیده بوْلگن همّه نِرسهلری بیلن یرتدی. ییتتینچی کونده ایسه استراحت قیلدی. بونینگ اوچون یهوه شبات کونینی مبارک قیلیب اونی مقدس قیلدی.
۱۲”آته و آننگه حرمت قیل٬ تا که یهوه خدایینگنی سینگه بحشیش قیلگن یورتده٬ اوزون عمرینگ بوْلسین.
۱۳”قتل قیلمه.
۱۴”زنا قیلمه.
۱۵”اوغریلیک قیلمه.
۱۶”هیچ کیمگه قرشی یلغان شاهدلیک بیرمه.
۱۷همسایهنگیزنی اوییگه کوز تیکمه. همسایهنگنی خاتینیگه٬ غلامیگه٬ کنیزیگه٬ اوکیزیگه، ایشهگیگه و هیچ قندی بیر نِرسهسیگه کوز تیکمه.
۱۸بوتون خلق چقماقنی کورگنلریده، شیپور سیسینی ایشیتگنلریده و دوددن تولگن تاغنی کورگنلریده همّهسی تیترهب کیتدی و اوزاقده توریب، ۱۹موسیگه اَیتدیلر : ”اوزینگ بیزلر بیلن گپلهش و بیز ایشیتهمیز. خدا بیزلر بیلن گپلشمهسین، مبادا بیز اولمهیلینگ.
۲۰موسی خلقگه : ”قورقمهنگلر. خدا سیزلرنی سینهب کوروش اوچون کیلدی تا که خدانینگ قورقیشینی یورهیینگیزده تاشیب گناه قیلمنگلر“ دیدی.
۲۱کیین خلق اوزاقده توردی و موسی خدا تورگن قتتیق بولوتلرگه یقین باردی.